भारतमाता

वसुंधरा नटलेली निळ्या निसर्गाने

वेढलेल्या नद्यानी भारतमाता सुंदरतेने

सह्याद्रीच्या रांगेने मन खळखळणारे

आकाश नाद स्वर येई झणकणारे

भारतमाता हीच आमुची माय

आम्ही गाऊ तिचेच गुणगान

राष्ट्रध्वजाचा तिरंगा सदा लहरी

घेऊन भूमातेची विविधेतेची शान

   

तिरंगा ध्वज तीन रंगांचा

नेहमी राहो फडकत रुबाबात

तीन रंगांत संस्कार दिसतात

त्याग शांती पवित्र आत्मसात

   

सोनियाचा मांगल्यमयी दिन आजचा

माझ्या भारतमातेच्या स्वतंत्रतेचा

गीत गाऊ भारतमातेचे अभिमानाचे

देशप्रेम देशभक्ती दाखवू शौर्याचे

देशाचा बाळगा स्वाभिमान

नेहमी राखा अभिमान देशाची शान

शौर्याची गाथा जपून राखा मान 

लावा नारा भारत देश आहे महान

नभात उधळू चांदणे जयघोषाचे

तिरंगा गगनात फडके वंदन भारतमाते

माझे दोन्ही कर जोडुनी तुज सन्मानाने

नत मस्तक होतो भारतमाते आदराने