भारताची तरुण नजर

कॉलेज लाईनला आलो आहे, चुकली का माझी दिशा??

जाणवते की इथे आहे सर्वाना मुलींची नशा ||१||

वर्गात आलो, भेटले मित्र, बोललो त्यांच्याशी २-२ शब्द |

विचार ऐकता काही जणांचे झालो मी स्तब्ध ||२||

क्षणभर थांबलो म्हटलं त्यांना “का रे तुमच्या नजरा आशा??”

विचार केला मुलींचा म्हटलं, “या शांत बसतात तरी कशा” ||३||

गेला काही काळ असे चढू लागले रंग |

बघता बघता या मुली आता त्याच मुलांच्या संग ||४||

पुन्हा क्षणभर विचार केला “का लढावं यांच्यासाठी??”

जर मुलीच वाट पाहत असतात अशीच मुलं टिपण्यासाठी ||५||

यामध्ये मला सांगा चूक काय मुलांची??

अहो मुलं अशीच वागणार, कारण साथ त्यांना मुलींची ||६||

मुली बघता मुलं म्हटली काय ITEM काय ही FIGURE |

चेहरा आणि मन सोडून सर्वांची फक्त BODY वर नजर||७||

गरज आहे सर्वाना विचार पद्धती बदलण्याची |

आपण भारत देशात राहतो, ही जाणीव करून देण्याची ||८||

अहो, तासभराचं शारीरिक सुख, ही शरीराची भूक आहे |

रोज २ तास देशसेवेत आयुष्याचं मानसिक सुख आहे ||९||

संकुचित विचारसरणीमुळे शारीरिक झालंय प्रेम |

मुलगा झालाय खेळाडू आणि मुलगी झालीय GAME ||१०||

या वाईट विचारांना जरा आपल्या मनातून उतारा |

ह्याने, देशात तरुण असले तरी देश वाटतोय म्हातारा ||११||

प्रेम करा मनावरती, प्रेमात काहीच गैर

नाही |

शारीरिक सुखावाचून इथे कोणी इतकं अधीर नाही ||१२||

चारित्र्यशील वागून आता वाढवू आपल्या देशाची शान |

मग पुन्हा ताठ मानेनं म्हणू

||माझा भारत देश महान, माझा भारत देश महान||