लाइब्रेरी
प्रोफाइल
बाप
बाप
1 min
286
शेतकरी बाप माझा
काय सांगू त्याची कथा
रोज खेळे मातीसंगे
माडंली ना कधी व्यथा
निळ्या आभाळात दिसे
जवां बापाची रे काया
बाप सांगे तवां मला
लाव धरणीला माया
कधी पायाच्या भेगात
दिसे नशिबाच्या रेषा
मिटेल कधी अंधार
येईल सुखाची उषा
घामाच्या रे धारात
भिजते काळी माती
जमीनीचे तुकडे पडता
दुरावली किती नाती
सांभाळून संसार असा
दिला जगाया आधार
कसे फेडू उपकार त्याचे
जीवन माझे साभार
