औक्षण

दादा आयुष्यभर साथ दे रे

या तुझ्या लाडक्या बहिणीला

सदैव भुकेली आहे बघ ही

दादा तुझ्या माया,प्रेमाला...१!

नकोच मजला काही आता

भाऊबीजेला करते औक्षण

या करीता नेण्यास यावे

आनंदाचा घालवूया क्षण...२!

औक्षण करून मागते एक

वचन दादा तुझ्या कडे

नको अंतर देऊस जीवनी

आनंदाने माया कर गडे...३!

आई,बाबांना मात्र सांभाळ

केले आपले संगोपन छान

हट्ट सारे पुरविण्यासाठी रे

आयुष्य ठेवले बघ गहाण...४!

ताई,दादाचे प्रेमळ नाते

शेवटपर्यंत टिकवून ठेऊ

अंतसमयी दादा आपण

हे आनंदी क्षण सोबत नेऊ...५