अभाळझरा

सावकाराच्या आसनस्थ  

तिजोरीचा कप्पा 

अन् 

माझ्या बापाच्या फाटक्या

बांडीसाचा खिसा 

जमीन अस्मानचा फरक आहे यात  

सावकाराच्या तिजोरीच्या कप्प्यात 

कोऱ्या कोऱ्या 

गांधीजींचा फोटो असलेल्या  

लहान मोठ्या नोटा 

व्यवस्थित रचलेल्या 

माझ्या बापाच्या 

फाटक्या बांडीसाच्या खिशात 

घड्या पडलेली सातबाराची पानं  

सोबत  

अंगठा लावलेला कोरा कागद 

माझ्या डोळ्यात तरंगतोय 

सावकाराचा मिश्किल हसरा चेहरा  

अन्  

माझ्या बापाच्या पापण्यांत  

आभाळझरा ..!