अभागी बालिका
अभागी बालिका
अभागी बालिका असू आम्ही
काय आम्हांकडून घडले पाप
नाही शाळा नि पुस्तकही ठावे
लाभलाय हा व्यसनाधीन बाप
खेळायचे आणिक बागडायचे
वय आमचे हे स्वैर नि स्वच्छंदी
जगतोय गोळा करून हा कचरा
लावली जीवनावर सारी पाबंदी
भरते गोणी प्लाष्टिक कचर्याने
दिवसभर फिरतोय हो वणवण
आगडोंब उसळे पोटात भुकेचा
रात्रीला येते तापाचीच कणकण
शिकावी वाटते शाळा आम्हांला
शोधतो मग पुस्तक या भंगारात
वाचून काढतो झोपताना सारेच
नशिबात लिहिले कष्टच दिनरात
सरकार लेकींना पुरवतेय कळले
मोफत शिक्षणाच्या सेवासुविधा
गरीब भिकाऱ्याच्या भाग्यातच
रिकाम्या पोटाची व्यवस्था द्विध