आठवणींचा पाऊस

आठवणींचा पाऊस आज पुन्हा पडू लागला 

नाजूक रुपेरी क्षणांचा कैफ पुन्हा चढू लागला 

खांद्यावरती डोकं ठेवून सुख-दु:ख सांगितली होती 

दोघांनी मिळून कितीतरी सुंदर स्वप्नं बघितली होती

एकमेकांचे हात धरुन प्रितफुलं जपली होती 

दूर क्षितिजावर मनाने स्वतंत्र झोपडी बांधली होती

 

अचानक असं वावटळ उठलं, होतं-नव्हतं ते सारं लुटलं 

प्रितफुलांचा पाचोळा झाला स्वप्नातलं माझं गावही तुटलं 

आठवणींचे कडू घोट पिऊन मनातल्या मनात रडू लागलो 

धुवाधार पडणाऱ्या पावसात आज एकटाच भिजू लागलो