आनंदी पाऊस
आनंदी पाऊस
आले काळे ढग नभात
गार वारा जोराने सुटला
तप्त उन्हाच्या ज्वाला
तो दूर घेऊन गेला
लाभला थंड गारवा
आशा पल्लवित झाल्या
त्याच्या सुसाट येण्याने
दारे,खिडक्या वाजल्या
त्याचा किती सुखद गारवा
आल्हाद दिला जीवाला
सारे दु:ख पळाले
जीव मोकळा झाला
सारी धरती आनंदली
झाडे आनंदाने नाचली
तिच्या कुशितले सोबती
गाणी स्वरात गाऊ लागली
आल्या पाऊसाच्या धारा
शेतकरी खुष झाला
ओल्या मातीच्या कुशित
बीज पेरण्या लागला
अशी पाऊसाची साथ
नशिब त्याचे उजळते
हिरव्या पिकाचे शिवार
त्याच्या मनी रंगते
असा येतो जोराने
रोगराई घेऊन जातो
सारे रस्ते जगाचे
स्वच्छ करूनी देतो
असा दिलदार मनाचा
पुरवितो पाणी मानवाला
तोच अखंड ठरला जीवन
सजीव सृष्टी वाचविण्याला