लाइब्रेरी
प्रोफाइल
आजचा विषय - दुष्काळ एक मोठी सम
आजचा विषय - दुष्काळ एक मोठी सम
1 min
386
भेगाळली भुई सारी
बळीराजा कष्टी होई
धान्य पिकंना शेतात
सावकाराचं कर्ज डोई
ऋतुमान ही बदलले
पर्जन्याची नसे खात्री
कधी पडेल संततधार
केव्हा लावेलच कात्री
रोपं वाळली शिवारात
सूर्यदेव की तापलाया
पोटात काटं का भरु
वरूणराजा कोपलाया
दुष्काळानं खंतावला
कसं दावू घरात तोंड
शिवार सारं सुकलंया
कापसाची काळी बोंडं
कारभारीण कष्ट करी
आणती ताजी भाकर
आसावली सारीजणं
मिळंना मायेची पाखर
सरकारनं माफ केलंय
डोईवरचं म्हणं हे ऋणं
विकासाच्या या सोयी
पोटाला मिळंनात दाणं
कर्जमाफी झालीय मान्य
मधल्या मध्येच लुटूनिया
जमाना आलाय खोट्याचा
काळीज येतया फुटूनिया
घ्यावा वाटतोय गळफास
काळजी फकस्त कुटुंबाची
कोण विचारील मागं त्यांना
वेळ येईल त्यांनाच भीकेची
