आई

हृदयात  सदैव आईचीच  मूर्ती 

आठवता तिला  मिळे  मला स्फूर्ती ..//१//

दिले  आम्हा  तिने  उत्तम  संस्कार

जगताना असे  तिचा मोठा आधार ..//२//

तिच्या मामतेचा  जिव्हाळ्याचा पदर

नाही  त्याला  आहे  कशाचीच सर ..//३//

कष्टात   खूप   आम्हा   वाढवले 

शिकण्यासाठी आम्ही स्वतःला झिजवले ..//४//

अंतःकरणातील भाव सहज ओळखते

मला काय हवे ते क्षणार्धात सांगते ..//५//

ओढ  तिच्या प्रेमाची सदा  लागली 

ऊर्जा - प्रेरणा कायमच मजला दिधली ..//६//

हळुवार तिची फुंकर क्षणात जखम भरी 

हळव्या मनस्थितीत तीच हृदयाशी धरी ..//७//

विकल असता तीच आठवे मन गाभारी 

आशेचा तिचा शब्द देई मना उभारी ..//८//

आई येते आठवण तुझी क्षणोक्षणी

उणीव  तव  भासते  रोजच  मनी ..//९//

माझ्या दुःखा येई तिच्याच डोळ्या पाणी 

मनातील माझी खळबळ तीच फक्त जाणी //१०//