पर्यावरणाचे संरक्षण

  पर्यावरणाचे संरक्षण पृथ्वीवरी 

  निसर्ग देवता ही अन्न-पाणी दात्री  

  तरुवर  लावण्याने  दारोदारी

  भरपूर पावसाची मिळे खात्री ...//१//

  काम  आहे  हे  लाखमोलाचे 

  वृक्षे, फळे - फुले - सावली देती

  मिळे  शुद्ध  हवा व  पाणी 

  पाखरेही   निवा-याला  येती ...//२//

  एक झाड प्रत्येकी लावून, जगवू

  पुकारते  रे  तुज धरणीमाता

  अजूनही  तू  जाग  मानवा 

  निसर्ग चक्र सारे बदलले आता ...//३//

  देती अमुल्य प्राणवायू मनुष्यास

  वड, पिंपळ, लिंब निसर्गाची शान 

  या संपत्तीचे करू आता रक्षण 

  भावी पिढीला होईल ते वरदान ...//४//

  भूजल पातळी खोल खोल चालली 

  संकल्प करुया पाणी साठवण्याचा

  वसुंधरेला प्रदूषणापासून रोखण्याचा 

  चराचरातील  घटक  वाचवण्याचा...//५//