अस्तित्व स्त्रीचे

अगणित तव उपकार नारी 

शान असे तू कुटुंबाची 

संदेश, दिशा देते प्रगतीची 

प्रकाश ज्योत तू ज्ञानाची...//१//

आजची कणखर निडर स्त्री तू 

धरतेस  कास  विज्ञानाची 

भाकरी  थापतेस  कष्टाची 

विश्वाची जननी वात्सल्याची...//२//

नारी शक्ती - जगात भारी 

बहरू दे तुझे व्यक्तिमत्व 

समानतेचा आहे कायदा जगी 

जप तुझे अस्तित्व नि स्वत्व...//३//

तव लक्ष्याचा घे तू ध्यास 

बाळग स्वतःत आत्मविश्वास 

अबला नाहीस तू आता 

दूर कर साऱ्यांचा भ्रमनिरास...//४//

कुठलेच असे क्षेत्र नाही जगात 

जे तू नाही केलेस पादाक्रांत 

कणखर खंबीर कर्तृत्वाची मूर्ती

पोहोचलीस जाऊन अंतराळात...//५//

तुझ्याविन अशक्यच आहे चराचर

सन्मानित  होते  नारी  जिथे 

पूजनीय, वंदनीय तू जगताची माय

ईश्वर  वसे  सदा  गृही  तिथे...//६//