രക്തസാക്ഷിദിനം.രചന :-ബിനു. R

എത്രപേരോർക്കുന്നുയീ കാരുണ്ണ്യവാനെ

പുൽകിപ്പറഞ്ഞീടുമീ അഹിംസാവാദിയെ

ചൊല്ലെഴും ശീമയിൽ നിന്നുംപറിച്ചെടുത്തു

അമ്മയെന്നു വന്ദനം ചൊല്ലും ഭാരതാംബയെ!

ആരോ മാർക്കടമുഷ്ഠിയിൽ തീർത്തെടുത്തു

റാം റാം എന്നുചൊല്ലും പുണ്ണ്യപൂരുഷനെ

ഒരു വെടിയുണ്ടയിൽ പകച്ചുപോയ് ഭാരതം

ഇനിയൊരിക്കലുമുണ്ടാവില്ലെന്നാർത്തുപോയി!

കാലങ്ങളേറെയൊന്നുമായില്ലെങ്കിലും എത്രപേർ

ഓർക്കുന്നുയീ പുണ്യാത്മാവിനെ

കാതോടുകാതോരമെല്ലാവരും ഏകോദര സഹോദര -

രെന്നു മന്ത്രം ചൊല്ലിപ്പഠിപ്പിച്ച ബാപ്പുജിയെ!

ഗ്രാമങ്ങൾതോറും നടകൊള്ളട്ടെയദ്ധ്യാത്മികം

ഗ്രാമചാരുതയിൽ നിറഞ്ഞിടട്ടെ ഭരണതന്ത്രം

ഒരേയൊരുമതം ഒരൊറ്റജനത അതിനായ്

ഒരേയൊരു മന്ത്രം മാത്രം ജപിച്ചീടാം!.

ബാപുജിയുടെ മന്ത്രം നമ്മുടെ നാവിന്മേലും

ജപമായ് സ്ഫുരിക്കട്ടെ എന്നിലും നിന്നിലും

നീയും ഞാനുമൊന്നെന്നുള്ളൊരാപ്തവാക്യം

മനസ്സിന്നുള്ളറകളിൽ ജ്വലിക്കട്ടെയെന്നുമെന്നും!