പ്രണയം

കാലാന്തരത്തിലെവിടെയോ തിരഞ്ഞു ഞാൻ 

നിറമാർന്ന നിൻ വികാരവിചാരങ്ങൾ തേടി 

കാമവെറികളിൽ ചാലിച്ച വർണ്ണങ്ങൾ 

നിന്റെതാവില്ലെന്നു ചൊല്ലിയ തൂലിക കണ്ടു,

സ്വന്തമായില്ലെങ്കിൽ മരണം വിധിക്കുന്ന 

കാപാലികർ സംഹരിച്ച ഹൃദയം കണ്ടു,

പറ്റിക്കലിനും പറ്റിക്കപെടലിനും ഇടയിലുഴലുന്ന 

ജീവിതങ്ങൾ രണത്തിൽ പൊലിയുന്നത് കണ്ടു,

പ്രേമാഗ്നിയിൽ ജ്വലിച്ചെരിയുന്ന ആത്മാക്കൾ 

മോക്ഷത്തിനായി അലയുന്നത് കണ്ടു, 

പറഞ്ഞുതരാനറിയില്ലെനിക്കെന്നാലും, 

പ്രണയമേ നീ ഒരു മഹാ പ്രഹേളികയല്ലോ...