എന്റെ സ്വാതന്ത്ര്യം

പാറിപ്പറക്കുന്ന പൂമ്പാറ്റയല്ല ഞാൻ,

പാറിപ്പറക്കുന്ന പറവയും അല്ല ഞാൻ,

പാറിപ്പറന്നുല്ലസിച്ചീടുവാനായ്

കൊതിച്ചോരാ കുഞ്ഞു പൈതൽ മാത്രം.

ചിറകുകൾ ഒന്നുമേ ഇല്ലയെന്നാലും

ചിരകാല മോഹങ്ങൾ ഉണ്ടെൻ മനസ്സിൽ,

മോഹങ്ങളൊക്കെയും മുറുകെ പിടിച്ചു ഞാൻ

പാറി പറന്നീടും ഈ ഭൂവിലെന്നും.

അതിർവരമ്പെല്ലാം തച്ചുടച്ചീടും

മോഹങ്ങളെല്ലാം നെഞ്ചിലേറ്റീടും

ഉയരങ്ങൾ ഒക്കെയും വെട്ടി പിടിച്ചിടും

എന്നുമേ ഞാൻ ആനന്ദ നിർവൃതിയിലാണ്ടിടും.