അവരിലൊരാൾ ---
അവരിലൊരാൾ ---
നിഴലുകൾ മൂകമാമീകവാടത്തിൽ
നിശയിലലയൊലികൾ ആഴ്ന്നിറങ്ങി
ഇന്നു നീ അങ്ങു ദൂരെ
മൺകൂനകൾക്കപ്പുറം ചിതറിത്തെറിച്ചൊരോർമ്മയായ്
തീക്ഷ്ണമാം ഈ ശുഭ്രവെളിച്ചത്തിൽ
കുളിരോളമായ് കിനിഞ്ഞിറങ്ങി
ഇന്നീ നനവുതുള്ളികൾക്കു മീതെ
ഒരു മൂകശകലം എന്തിലേക്കെന്നില്ലാതെ
ആരിലേക്കെന്നില്ലാതെ തിരശ്ശീല
മറയുന്നൊരഭ്രപാളിയിൽ
ഇരുവഴിയിലിരുമിഴിയിലിരുമൊഴിയിലായ്
കൊഴിഞ്ഞിടുന്നൊരീയിലകൾക്കു
ജന്മാനന്തരവസന്തമേകുവാൻ
ഇന്ന് നീ എവിടെയോ….
എവിടേക്കെന്നില്ലാതെ നീളുന്നൊരീ
യാത്രയിൽ അവരിലൊരാളായി…