അറിയാത്ത ജീവിതം

ഈ കർക്കടക രാവിലെ മഴ

പെയ്തതെന്റെ മനസ്സിലായിരുന്നു.

ജീവിതമിങ്ങനെ കണ്ണീരൊഴുക്കി

അലയുകയാണോ?

മഷി തെളിയാത്ത പേനപോൽ

എന്റെ ജീവിതം മാറിയോ?

മധുരിക്കുമോർമ്മകളെന്നുമെൻ

ഹൃദയത്തെ തൊട്ടിരുന്നുവെങ്കിലും,

തിരിച്ചു കിട്ടാത്ത ബാല്യവും,

കടന്നു പോയ യൗവനവും,

സ്വപ്നലോകത്തിൽആനന്ദവും ,

എന്നിൽ നിന്നും പറന്നകന്നുവോ?

അറിയില്ല എനിക്കെന്റെ ജീവിതം .

അറിയില്ല എനിക്കെന്റെ വിധി.

അറിയാത്തതാണീ മുന്നോട്ടുള്ള ജീവിതം,

അറിയാത്തതാണീ മാറുന്ന മനസ്സും.