അമ്മയ്ക്ക്

അമ്മയ്ക്ക് 

ഞാൻ ഇന്നൊരു അമ്മയെ കണ്ടു

അമ്മയെന്നൊരു പുണ്യം

മകൾ ചിരിക്കുമ്പോൾ മനസ്സിൽ

ആയിരം പൂക്കൾ നിറയുന്നൊരമ്മ

മകൾ ചിരിക്കുമ്പോൾ മനസ്സിൽ

ആയിരം മഴവില്ല് തെളിയുന്നൊരമ്മ

മകൾ ചിരിക്കുമ്പോൾ മനസ്സിൽ

ആയിരം നക്ഷത്രങ്ങൾ വിരിയുന്നൊരമ്മ

ഞാൻ എന്നിലെ അമ്മയെ മറന്നു

ആ അമ്മയെ പുണർന്നു

ഞാൻ എന്നിലെ അമ്മയെ മറന്നു

ആ അമ്മയെ പുണർന്നു

ഞാൻ നീ ആയിരുന്നെങ്കിൽ

നിന്നെ അണിഞ്ഞിരുന്നെങ്കിൽ

എന്നു കൊതിച്ചു

ആ അമ്മയ്ക്ക് പറയാൻ

ഒരുപാട് കഥകൾ

ഉണ്ടായിരുന്നു

നോവറിഞ്ഞ നിമിഷങ്ങളുടേതല്ല

അവയൊന്നും

നോവിനെ നോമ്പു നോറ്റ

നിമിഷങ്ങൾ ആയിരുന്നു അവ

നോവറിഞ്ഞു പിറന്നവൾ

നോവേറ്റ് വളർന്നവൾ

അവൾ എവിടെ തളരാൻ

ആ അമ്മയ്ക്ക് എന്റെ

ആയിരം കോടി പ്രണാമം ......