ಉದುರಿದ್ದು ನಾಲ್ಕು ಹನಿಗಳು

ಟಪಟಪನೆ ಉದುರಿದ ನಾಲ್ಕು ಹನಿಗೆ

ಭುಗಿಲೆದ್ದ ಒಡಲ ಧಗೆ

ಕನಸಿನ ಲೋಕದ

ಬಾಗಿಲು ತೆರೆದಂತೆ

ಹೊರ ಹೊಮ್ಮಿದ

ಮಣ್ಣ ವಾಸನೆಬಿಸುಸುಯ್ದು ಮೆಲ್ಲನೆ ನಾಚಿ

ನಸು ನಕ್ಕ ವಸುಂಧರೆ

ತಣ್ಣಗೆ ನರಳಿ ಕಣ್ಮುಚ್ಚಿ

ಹೊರಳಿ ಬಾಯಾರಿ

ಅರಳಿದ ಮರ , ಗಿಡಬಳ್ಳಿ

ಅಂಗಾಂಗ ನಿಶ್ಯಬ್ದ

ನೀರವ ನಿರಾತಂಕ ತೊನೆದು

ಪುಳಕಗೊಂಡ ಶೃಂಗಾರ ಬಗೆಚಿಗುರು ಹಸಿರು ಹೊರಚಾಚಿ

ಬೆರಗಾದ ಬಗೆ......

ಗುಡಿಸಲಲಿ , ತೊಟ್ಟಿಲಲಿ

ಗಿರಿಗಳಲಿ , ವನಗಳಲಿ

ಪುಟ್ಟ ಕಂದಮ್ಮಗಳು

ಪ್ರತಿ ಪಶು ,ಪಕ್ಷಿಗಳು

ಕೇಕೇ ಹಾಕಿ ನಕ್ಕ ನಗೆ

ಜೀವ ಪ್ರಪಂಚವೇ

ಮರು ಹುಟ್ಟು ಪಡೆವ ಹಾಗೇ

ಉದುರಿದ್ದು ನಾಲ್ಕು ಹನಿಗಳು !