Library
ಪ್ರೀತಿ ಎಂದರೇನು?
ಪ್ರೀತಿ ಎಂದರೇನು?
ಪ್ರೀತಿ ಎಂದರೇನೆಂದು
ಆ ಅಳುವ ಕಂದನ ಕೇಳು
ತಾಯಿಯ ಮಮತೆಯ ಸಿಹಿಯನ್ನೇ ಉಂಡಿಲ್ಲ.!
ಪ್ರೀತಿ ಎಂದರೇನೆಂದು
ಆ ಮಗಳ ಕೇಳು
ತಂದೆಯ ಭರವಸೆಯ ಹಸ್ತವೇ ತಲೆ ಮೇಲಿಲ್ಲ.!
ಪ್ರೀತಿ ಎಂದರೇನು ಎಂದು
ಆ ಮಕ್ಕಳ ಕೇಳು
ಹೆತ್ತವರ ಆರೈಕೆಯ ಭಾಗ್ಯವೇ ಪಡೆದುಕೊಂಡಿಲ್ಲ.!
ಪ್ರೀತಿ ಎಂದರೇನೆಂದು
ಆ ತಂಗಿಯ ಕೇಳು
ಅಣ್ಣನ ಕಾಳಜಿಯ ಸವಿಯನ್ನೇ ಸವಿದಿಲ್ಲ.!
ಪ್ರೀತಿ ಎಂದರೇನೆಂದು
ಆ ಅಕ್ಕನ ಕೇಳು
ತಮ್ಮನ ಕೋಪದ ಪರಿಯನ್ನೇ ಕಂಡಿಲ್ಲ.!
ಪ್ರೀತಿ ಎಂದರೇನೆಂದು
ಆ ಶಿಷ್ಯನ ಕೇಳು
ಗುರುವಿನ ಆಶೀರ್ವಾದವೇ ದೊರೆತಿಲ್ಲ.!
ಪ್ರೀತಿ ಎಂದರೇನೆಂದು
ಆ ಕರುವಿನಲ್ಲಿ ಕೇಳು
ತಾಯಿ ಹಸುವಿನ ಮೊಲೆ ಹಾಲೇ ಸವಿದಿಲ್ಲ.!
ಪ್ರೀತಿ ಎಂದರೇನೆಂದು
ಆ ತಾಯಿಯ ಕೇಳು
ತನ್ನ ಕರುಳ ಕುಡಿಯನ್ನೇ ಹಡೆಯಲಾಗಿಲ್ಲ.!
ಪ್ರೀತಿ ಎಂದರೇನೆಂದು
ಆ ಭೂರಮೆಯ ಕೇಳು
ಬಾನಿನ ಸಾಮೀಪ್ಯವನ್ನು ಸೇರಲಾಗಿಲ್ಲ.!
ಪ್ರೀತಿ ಎಂದರೇನೆಂದು
ಆ ದುಂಬಿಯ ಕೇಳು
ಹೂವಿನ ಸುಗಂಧವನ್ನೇ ಹೀರಿಲ್ಲ.!
ಪ್ರೀತಿ ಎಂದರೇನೆಂದು
ಆ ಸೂರ್ಯನ ಕೇಳು
ಕಣ್ಣಾಮುಚ್ಚಾಲೆ ಆಡುವ ಚಂದ್ರಮನನ್ನೇ ನೋಡಲಾಗಿಲ್ಲ.!
ಪ್ರೀತಿ ಎಂದರೇನೆಂದು
ಆ ಹೂವನ್ನು ಕೇಳು
ತನ್ನ ಸೌಂದರ್ಯದಿ ಯಾರನ್ನೂ ಸೆಳೆಯಲಾಗಿಲ್ಲ.!
