ಪ್ರೇರಣೆ

ಯಾರಿಗೂ ಯಾರೂ ಇಲ್ಲದ ಜೀವನದಲ್ಲಿ ಬೇಸತ್ತು ಏಕಾಂಗಿಯಾಗಿ ಕೂತಿದ್ದೆ ನಾನು;

ನೋವುಗಳಿಗೆ ಸ್ಪಂದಿಸುವ ಸಂತೋಷದಲ್ಲಿ ಬಾಗಿಯಾಗುವ ಗೆಳತಿಗಾಗಿ ಕಾದಿದ್ದೆ ನಾನು!

ವಿದೇಶದಿಂದ ನಿಮ್ಮ ಅಭಿಮಾನಿ ಎಂಬ ಸಂದೇಶ ಒಂದು ದಿನ ಬಂತು;

ಕಲ್ಮಶ ತುಂಬಿದ ಜಗದಲಿ ಯಾರನ್ನು 

ಹೇಗೆ ನಂಬಲಿ ಅನಿಸಿತು!

ಸ್ನೇಹದ ಹೆಸರಿನಲ್ಲಿ ಈ ಜಗದಲಿ

ಲಾಭ ಬಯಸುವವರೇ ಹೆಚ್ಚೆಂದು ಬೆದರಿದೆ;

ಕಡೆಗೊಂದು ದಿನ ನನ್ನಿಂದ ನಿಸ್ವಾರ್ಥ ಸ್ನೇಹವನ್ನು ಮಾತ್ರ ಆಕೆ ಬಯಸುವಳೆಂದು ತಿಳಿದೆ!

ಬರಹಗಳನ್ನು ಪ್ರೋತ್ಸಾಹಿಸುತ್ತಾ ನಾವಿಬ್ಬರೂ ಆತ್ಮೀಯರಾದೆವು;

ಯೋಗಕ್ಷೇಮ ವಿಚಾರಿಸುತ್ತಾ 

ಸುಖ ದುಃಖ ಹಂಚಿಕೊಂಡೆವು!

ಪ್ರೇಮಿಗಿಂತ ಹೆಚ್ಚಾಗಿ ಪ್ರೀತಿಸುವ, ಆಗಾಗೇ ರೇಗಿಸುವ ಗೆಳತಿಯವಳು;

ಸೋತಾಗ ಸಮಾಧಾನ ಮಾಡುವ

ಶುದ್ಧ ಮನಸ್ಸಿನ ಒಡತಿಯವಳು!

ಹೆಸರೇ ಸೂಚಿಸುವಂತೆ ನನ್ನ ಸಾಹಿತ್ಯ ಲೋಕಕ್ಕೆ ಪ್ರೇರಣೆಯಿವಳು;

ಸದಾ ಉತ್ಸಾಹದ ಬುಗ್ಗೆ, ಸ್ಪೂರ್ತಿಯ ಚಿಲುಮೆಯಿವಳು!