ಗಜಲ್
ಗಜಲ್
ಉತ್ಸುಕತೆ ಪುನಃ ಉದಯಿಸುವುದು, ಮತ್ತೇ ಭೇಟಿಯಾದರೆ ನೀನು
ಸಮಯವು ಪುನಃ ಬದಲಾಗುವುದು, ಮತ್ತೇ ಭೇಟಿಯಾದರೆ ನೀನು
ಖೇದವಿದೆ ಸಾಧಿಸಲಾಗಲಿಲ್ಲ ನನಗೆ, ದೊರೆತ ಈ ಪ್ರಾಪಂಚಿಕ ಬದುಕಿನಲಿ
ಆ ಖೇದದ ಅಗ್ನಿಯೂ ನಂದಿಸಲಾಗುವುದು, ಮತ್ತೇ ಭೇಟಿಯಾದರೆ ನೀನು
ಈ ಲೌಕಿಕ ಒತ್ತಡಗಳು, ಖಿನ್ನತೆ-ತಳಮಳಗಳು, ಭವಿತವ್ಯದ ಆತಂಕಗಳು...
ಎಲ್ಲವನು ನಗುನಗುತಾ ಎದುರಿಸಲಾಗುವುದು, ಮತ್ತೇ ಭೇಟಿಯಾದರೆ ನೀನು
ಬರಿದು ಹೋಯಿತು ವಸಂತಗಳು, ಮನಸ್ಸಿನಂಗಳದಿಂದ ನಿರ್ದಯವಾಗಿ
ಪುಷ್ಪಗಳು ಚಿಗುರುವ ಋತು ಮರಳುವುದು, ಮತ್ತೇ ಭೇಟಿಯಾದರೆ ನೀನು!