ಗಝಲ್

ಗಳಿಸಿದೆಲ್ಲವನ್ನು ಕಳೆದುಕೊಂಡು ನಾ ಶ್ರೀಮಂತನಾದೆ !

ಶಾಂತಿಯ ನಿದ್ರೆಯನು ಮತ್ತೇ ಪಡೆದು ನಾ ಶ್ರೀಮಂತನಾದೆ !

ಗಳಿಸಿದ ಸಫಲತೆಗಳು ಕಳೆದು ಹೋಯಿತು ಕಣ್ಣು ಮಿಟುಕುವುದರಲ್ಲಿ,

ಲೌಕಿಕತೆಯ ನೈಜತೆಯನ್ನು ಅರಿತು ಮತ್ತೇ ನಾ ಶ್ರೀಮಂತನಾದೆ !

ಶ್ರೀಮಂತಿಕೆಯೊಂದಿಗೆ ಏರಿತು ವೈರಿಗಳ ಸಂಖ್ಯೆಯೂ 

ವೈರಿಗಳ ವೈರಿತ್ವದಿಂದ ಪಾರಾಗೀಗ ನಾ ಶ್ರೀಮಂತನಾದೆ !

ನಷ್ಟವೆಂಬುವುದು ಕಷ್ಟವೆಂದುಕೊಂಡು ವಿರಸಗೊಂಡಿದ್ದ ತಪ್ಪಿಗೆ

ನಷ್ಟವೆಂಬ ವಿಷಕಾರಿ ರಸದೌತಣ ಭೋಜಿಸಿ ನಾ ಶ್ರೀಮಂತನಾದೆ!