ಗಜಲ್

ಅತೀಯಾದ ನಿರೀಕ್ಷೆಗಳು ನೇಣಿನಂತೆ ಕಾಡತೊಡಗಿದವು! 

ನೀಡಿದ ವಚನಗಳು, ಹಳೆ ನೆನಪುಗಳು ಕಾಡತೊಡಗಿದವು!

ಒಂಟಿತನದ ನಿಷ್ಶಬ್ಧತೆಯಲಿ ಶಾಂತನಾಗಿ ಬದುಕಬಹುದಿತ್ತು;

ನೆನಪುಗಳ ನಿಂದನೆಗಳು ಆಲೋಚನೆಗಳಾಗಿ ಕಾಡತೊಡಗಿದವು 

ರಾತ್ರಿಯಲಿ ತಾರೆಗಳು ಮಿಂಚುವುದೆಂದು ನಂಬಿದೆ. ಆದರಿಂದು,

ಕಗ್ಗತ್ತಲಿರುವ ಭವಿತವ್ಯದ ಆತಂಕಗಳು ಕಾಡತೊಡಗಿದವು...!

ಪ್ರಸ್ತುತ ಸ್ಥಿತಿಯನು ನಗುನಗುತ ಎದುರಿಸಬಹುದಿತ್ತು. ಆದರೆ,

ಅಸಹನೀಯ ಕಹಿ ನೆನಪಿನ ಹೊರೆಗಳು ಕಾಡತೊಡಗಿದವು!