ಗಜಲ್

ದೀವಿಗೆಗಳು ಬೆಳಕು ಬೀರುತ್ತಿದ್ದಂತೆ ಕೆಲವು ನೆನಪುಗಳು ತಾಜಗೊಂಡವು!

ವೀಣೆಯ ತಂತಿಗಳು ಹಾಡುತ್ತಿದ್ದಂತ ಕೆಲವು ನೆನಪುಗಳು ತಾಜಗೊಂಡವು!

ಪ್ರತಿ ನುಸುಕು ಕೇಳಿ ಬರುವುದು ಚಿರಪರಿಚಿತ ಇಂಪಾದ ಗಾನ. ಆದರಿಂದು,

ಕೋಗಿಲೆಗಳ ಗಾನ ಕೇಳುತ್ತಿದ್ದಂತೆ ಕೆಲವು ನೆನಪುಗಳು ತಾಜಗೊಂಡವು!

ರಾತ್ರಿಗಳು ಕಳೆದು ಹೋದವು ಕಿಟಕಿಯ ಮುಂದೆ ನಿರೀಕ್ಷೆಯಲ್ಲಿ ನಿಲ್ಲುತ್ತ,

ನಿರೀಕ್ಷೆಗಳು ಮಿತಿ-ಮೀರುತ್ತಿದ್ದಂತೆ ಕೆಲವು ನೆನಪುಗಳು ತಾಜಗೊಂಡವು!

ಉದ್ಯಾನಗಳಲ್ಲಿ ಪುಷ್ಪಗಳು ಅರಳುವುದರಲ್ಲಿ ಅಸಹಜವೆನಿರಲಿಲ್ಲ. ಆದರೆ,

ಕುಸುಮದಂತ ಮುಗುಳ್ನಗೆ ಅರಳುತ್ತಿದ್ದಂತೆ ನೆನಪುಗಳು ತಾಜಗೊಂಡವು!

ಮನಸ್ಸಿನ ಗಾಯಗಳಿಗೆ ಎಂದೂ ಔಷಧಿ ಸಿಗುವುದಿಲ್ಲ ಎಂದೂ ತಿಳಿದಿದೆ!

ಆದರೂ, ಹೃದಯ ಬಡಿಯುತ್ತಿದ್ದಂತೆ ಕೆಲವು ನೆನಪುಗಳು ತಾಜಗೊಂಡವು!