ಬಾರೋ ಬಾರೋ ಚಂದಿರ
ಬಾರೋ ಬಾರೋ ಚಂದಿರ
ಬಾರೋ ಬಾರೋ ಚಂದಿರ ನೀನು
ಆಡುತ ಹಾಡುತ ಕುಣಿಯುವ ನಾವು
ಓಡುವೆ ಏತಕೆ ಚಂದಿರ ನೀನು
ಮೋಡದ ಮರೆಯಲಿ ಕುಳಿತಿಹೆ ಏನು
||ಬಾರೋ...||
ಕತ್ತಲು ಕವಿಯಲು ಬರುವನು ಗುಮ್ಮ
ಒಬ್ಬನೆ ಏತಕೆ ಕುಳಿತಿಹೆ ಮಾಮ
ಅಪ್ಪನು ತಂದಿಹ ಕುದುರೆಯನೇರುವ
ಅಮ್ಮನು ನೀಡುವ ಕೈ ತುತ್ತನು ಮೆಲ್ಲುವ || ಬಾರೋ ಬಾರೋ ||
ಅಜ್ಜ ಅಜ್ಜಿ ಇರುವರು ಇಲ್ಲಿ
ಒಬ್ಬನೆ ಕುಳಿತಿಹೆ ಏತಕೆ ಅಲ್ಲಿ
ಅಜ್ಜಿ ಮಾಡಿದ ಕೀರನು ಹೀರುವ
ಅಜ್ಜ ಹೇಳುವ ಕಥೆಯನು ಕೇಳುವ
|| ಬಾರೋ ಬಾರೋ...||
ತಿನ್ನುವ ನಾವು ಚಕ್ಕುಲಿ ಉಂಡೆ
ಏರುತ ಆಡುವ ಜಾರೋ ಬಂಡೆ
ನಲಿಯುತ ಕಲಿವ ಕನ್ನಡ ಪಾಠ
ಅಮ್ಮನು ಹೇಳುವ ನೀತಿಯ ಪಾಠ ||ಬಾರೋ ಬಾರೋ||