ಅಕ್ಷರ ದೀವಿಗೆ ಹಚ್ಚೋಣ

ಅಲ್ಲೆಲ್ಲೋ ಟ್ರಾಫಿಕ್ ಸಿಗ್ನಲ್‌ಗಳಲ್ಲಿ ಕೇಳುವ ಕೂಗು

ಇದು ಬೀದಿ ಮಕ್ಕಳ ತೀರದ ವ್ಯಥೆಯ ಹಸಿವಿನ ಕಥೆ

ನಾಗರೀಕ ಸಮಾಜದಿಂದ ದೊರಕದ ಸ್ಫೂರ್ತಿಯ ಸೆಲೆ

ಮಕ್ಕಳ ದಿನಾಚಾರಣೆಯಾದರೂ ದೊರಕದ ಮುಕ್ತಿ

ನಮ್ಮ ನಾಡಲಿ ಸಹಾಯ ಹಸ್ತ ನೀಡುವ ಮನಸುಗಳಿವೆ

ಆದರೇನು ಬೀದಿಗಳಲ್ಲಿ ಅದೇ ಹರಕು ಮುರುಕು ಬಟ್ಟೆ

ಬೇಸರ ತರಿಸುವ ಹೊಣೆಗೇಡಿತನ ಮನಸ್ಸುಗಳ ನಡುವೆ

ಸಿಗುತ್ತಿಲ್ಲ ಮಕ್ಕಳ ದಿನಾಚರಣೆಗೆ ನಿಜವಾದ ಅರ್ಥ

ಮೃದು ಮನಸ್ಸಿನ ಮಕ್ಕಳಿಗೂ ನಿಲ್ಲದ ತಾರತಮ್ಯ

ಅನಾಥರೆಂಬ ಕಾರಣಕ್ಕೆ ಸಿಗದ ಹನಿ ಕನಿಕರ

ಭವಿಷ್ಯದ ಶಿಕ್ಷಣವೇ ಇಂತವರಿಗೆ ಮರೀಚಿಕೆ

ದಿನಾಚರಣೆ ಅರ್ಥ ತಿಳಿಯದೆ ಬಾಡಿವೆ ಹೂಗಳು

ಬಸ್‌ತಾಣವೇ ನೆಲೆಯಾದ ಇವರಿಗೆ ಖಾಯಂ ನೆಲೆ ಸಿಗಲಿ

ಶಾಲೆಯ ದರ್ಶನ ಭಾಗ್ಯ ಇನ್ನಾದರೂ ಸಿಗುವಂತಾಗಲಿ

ಕನಸುಗಳಿಲ್ಲದ ಅನಾಥ ಮಕ್ಕಳ ಬಾಳನು ಬೆಳಗೋಣ

ಹೆಗಲ ಜೋಳಿಗೆ ತೆಗೆದು ಅಕ್ಷರ ದೀವಿಗೆ ಹಚ್ಚೋಣ