ಒಲವಿನ ಹನಿ
ಒಲವಿನ ಹನಿ
ಹನಿಯೊಂದು ಮೂಡಿದೆ
ರೆಪ್ಪೆ ಜೊತೆ ಮಾತಾಡುತ
ಹೃದಯವೊಂದು ಮಿಡಿದಿದೆ
ಒಲವ ಜೊತೆ ಮಾತಾಡುತ
ಕಣ್ಣ ಭಾಷೆಯೂ.... ಮಧುರ ಭಾವವೂ....
ಸುಡುವ ವಿರಹ ಬೆಂಕಿಯು
ನಿಲುಕದು ನಿನ್ನ ನೋಟಕೆ
ಮರೆತು ಮಧುರ ವೇದನೆ
ಕಾಣದು ನಿನ್ನ ಮನಸಿಗೆ
ಒಲವ ಪ್ರೀತಿಯೋ... ಬಯಕೆ ಮೋಹವೋ...
ನಡೆವ ಹಾದಿ ಮುಸುಕಿದೆ
ಚಂದ್ರನಿರದೆ ಮಬ್ಬು ಕವಿದಿದೆ
ಹೊಳೆವ ಚುಕ್ಕಿ ಮಿನುಗಿದೆ
ಪ್ರೀತಿ ಚಿಮ್ಮಿ ಉಕ್ಕಿ ಹರಿಸಿದೆ
ಕನಸೆ ಆಯಿತೋ... ಮನಸೆ ಸೋತಿತೋ...
ಹೆಜ್ಜೆ ಇಡುವ ದಾರಿಲಿ
ಮಲ್ಲೆ ಹೂವ ಹಾಸಿದೆ
ಒಲವನಿರದ ಎದೆಯಲಿ
ಪ್ರೀತಿ ಸವಿಯ ಬಡಿಸಿದೆ
ಬದುಕೆ ಕಹಿಯೋ.... ಪ್ರೀತಿ ಸವಿಯೋ....