ಅವಕಾಶ
ಅವಕಾಶ
ಹೊಸ ವರ್ಷದ ಹೊಸ್ತಿಲಲಿ
ಅವಕಾಶವೊಂದು ಕವಿಮನಸುಗಳ
ಕೈಬೀಸಿ ಕರೆಯಿತು......
ಭಾವನೆಗಳ ಬೆಳ್ಮುಗಿಲಲಿ
ತಾರೆಗಳು ನಾವೆಲ್ಲ
ಹೊಸಸಂಜೆಯ ಪ್ರೀತಿಯ ಕೂಗಿಗೆ
ಹೊಳೆದು ಸಂಭ್ರಮಿಸಿತು ಮನವೆಲ್ಲಾ.....
ಅಲೆಯೊಂದು ಬಂಡೆಯ ಚಂದದಿ ತಬ್ಬಿದಂತೆ
ಅವಕಾಶವೊಂದು ತಾ ಜಿನುಗಿ ಬಂದು ಸೇರಿತು
ಅದೃಷ್ಟದಂತೆ.......
ಭಾವನೆಗಳ ಚಂದದಿ
ಪದಗಳಲಿ ವಿವರಿಸಿ
ಸಾಗರದಾಳದ ಮುತ್ತನು
ಸರದಿ ಸಾಲಲಿ ಜೋಡಿಸಿಟ್ಟಂತೆ
ಕವಿಮನಸುಗಳ ಕಾವ್ಯದ ಅಂದ
ಹೀಗೆ ಪದಗಳ ಹಾರವ ನೇಯುತ
ಸಾಗಿದರೆ ಬದುಕದು ಎಂದೆಂದೂ ಚೆಂದ......!!!!