ಅಗ್ನಿಗಿಲ್ಲದ ಬೇಧ
ಅಗ್ನಿಗಿಲ್ಲದ ಬೇಧ
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ಕ್ಷೀಣ ದನಿಯಲ್ಲಿ ನರಳುತ್ತಾ
ಕಣ್ಣಾಲಿಗಳಲಿ ಅರಸುತ್ತಾ
ದೀನ ಭಾವಧಿ ನನ್ನತ್ತ ನೋಡಿ
ನಿಟ್ಟುಸಿರಿಟ್ಟು ಆಗಸ ನೋಡಿ
ಹಂಬಲಿಸಿದ್ದಳು ಪರಿಪರಿಯಾಗಿ
ಮಗನ ನಿರೀಕ್ಷೆಯಲಿ...
ಮಗನೆಂಬ ಮೋಹವೇಕೆ ತಾಯಿ?
ನಾನಿರುವೆ ನಿನ್ನ ಆಸರೆಯಾಗಿ
ಮಗನಾದರೇನು, ಮಗಳಾದರೇನು?
ಗುಟುಕು ತುಳಸಿ ನೀರಿಗೆ ?
ನೀನಿತ್ತ ದೇಹವಿದು,
ನಿನ್ನ ಮಮತೆಯ ಕೂಸು
ನಾಕನರಕದ ಮೋಹದಿ
ಜಲ ಗಾಳಿಗೆ ಬೇಧವೆಣಿಸದ ನೀನು
ಕರುಳ ಕುಡಿಯಲ್ಲಿ ಏಕೀ ಭಾವ ?
ಜಗದಿ, ದೇವನ ಸೃಷ್ಟಿಯಲಿ
ಶ್ರೇಷ್ಠ ಕನಿಷ್ಠವೆಂಬುದಿಲ್ಲ,
ನದ-ನದಿಗಿಲ್ಲ,
ಸುಡುವ ಅಗ್ನಿಗಿಲ್ಲ ಬೇಧಬಾವ...
ಕೊರಗದಿರು ಚಿಂತಿಸಿ
ಸ್ವರ್ಗದ ದಾರಿ,
ನೆನೆ ಮನದಲ್ಲಿ ಮುರಾರಿ
ನಾನಿಡುವ ಅಗ್ನಿ ತೋರುವುದು ನಿನಗೆ
ಮೋಕ್ಷದ ದಾರಿ ....