भोजपुरी गजल(श्रिंगार रस )- नैन

नैना कजरा ना लगावा दिनवा रात हो जाई

कारी केसिया ना सवारा बिन मौसम बरसात

हो जाई

घुंघटा ना हटावा रतिया अंजोर होई जइहे 

तोहरे आगे चन्दा बड़ा कमजोर होई जइहे 

मुस्कान तोहरे मोती झरे दिल आघात हो जाई

नैना कजरा ना लगावा दिनवा रात हो जाई

गोरे पऊंवा गोरी काहे पायल छनकावेलु

छम छम चलिया काहे दिलवा तरसावेलु

देखा ना तिरछी नजरिया केवनों बात हो जाई

तोहरा नियन सुघर नईखे केहु दुनिया मे

सुरतिया देखि लग जाले अगिया पनिया मे

गोरी बुझा मोर बतिया दिल बरबाद हो जाई

नैना कजरा ना लगावा दिनवा रात हो जाई

गोड़वा महावर हथवा रची मेहंदीया लगवलु

लाली चुनरिया मथवा सखी बिंदिया चमकवलु

 हमसे दिलवा लगावा प्यार के शुरुआत हो जाई

नैना कजरा ना लगावा दिनवा रात हो जाई