भोजपुरी गीत – सुना मोर गुजरिया

तोहरे दिलवा से लागल मोर सनेहीया

तनी सुना मोर गुजरिया

मिली गइल तोहरे नजरिया से मोर नजरीया

तनी सुना मोर गुजरिया

खेत खरीहनवा मे लगे नाही मोर मनवा

डाले चाही गेंहू बिया डलाई जाला चनवा

पागल भइल मनवा मोर उड़े तोहार चुनरिया

तनी सुना मोर गुजरिया

घायल दिलवा कइलू गोरी पायल जब छनकवलु

हमके आपन राजा कहलू अपने रानी मोर बनवलु

पातर तिरिया गोरी सम्हली चला पातर डगरिया

तनी सुना मोर गुजरिया

चलिया चलेलु जइसे लहरे गेंहुआ के डलीया

मंद मुसकालु जइसे मुसके सरसो के फुलिया

मह मह महके बदनिया जईसे अमवा मोजरिया

तनी सुना मोर गुजरिया

कुहुके कोयलिया जईसे मीठी गोरी तोर बोलिया

डहकावा मत हिया हमरो कबहु बनिहा न छलिया

अमवा बगइचवा आवा मिलल जाई ठीक दुपहरिया

तनी सुना मोर गुजरिया