भाईड़े ने परणाणो है।

भाईड़े ने परणाणो है 

एड़ी अपाणी आस,

वधु चोकी कोई जोणी है,

एकदम खासमखास,

सफाई बिना जो रे सके,

ज्यूं सूगलवाङे में बास,

आपणे दसानन् में दीखे,

जीने एक देवदास,

लगाम एड़ी खांचे,

ज्यूं पग में चुबती फांस,

हेत एड़ो दिखावे,

ज्यूं घोड़े री यारी घास,

ठोड़ ठिकाणे जो लावे,

रंगीले रा होस हवास,

कर्डो काळजो कुंवर रो,

करदे कूट कपास,

नागो ऊगाड़ो रेवणियो,

लागे पेरण लिबास,

हिनान मंजण भूलणियो,

मुंडे राखे मुखवास,

रांगड़ भूले रौळिया,

आंख्या दिखे निचास,

काळ कोठडी मे रेवड़ीयो,

होदे हवा उजास,

गिणती में माहिर भाईणो,

भूले पांच पचास,

दिन बोपारी हूवणियो,

करे चौईस तास कयास,

काले काळे कागले ने,

एक कोयल मिले झकास,

भाईड़े ने परणाणो

एड़ी अपाणी आस।