आय गयी होरी

रंग को त्योहार आयेव

आता आय गयी होरी 

खुशी की बौछार आयी

आता आय गयी होरी ….।।१।।

लाल अना गुलाबी तुमी 

हिवरो पिवरो रंग देखो 

रंग इतनी रंग उतनी

रंग सपाई रंगीला देखों ….।।२।।

पिचकारी टुरु पोटू सब

धरशानी वय आनसेत 

भरशानी रंग ओको मा

एकमेक पर फेकसेत …..।।३।।

होळीपर देखोत् तुमी

होय रहीसे असो हाल 

हर चेहरापर अज लगीसे 

हिवरो पिवरो लाल गुलाल..।।४।।

होरी कसे बिनधास्त जगो

चिंता आता नोको करो 

कोनीको बारामा राग द्वेष

मनमा तुमी नोको धरो …..।।५।।

आओ सब मिलस्यार

जमावो आता असो ढंग 

छोड़ छल कपट मनका

दुश्मनलाबी लगावो रंग ….।।६।।

मिलस्यार गावो गाना

नाचो सपाई नर नारी

खुशी की बौछार आयी

आता आय गयी होरी ……।।७।।