आगो मौसम चुनाव रो

फेर सु आगी भाळ चुनावा री, नुवा-पुराना नेता री 

षाढ मास म ही दिख्यो, सावन बरखा लागी रे 

घरा - घरा जार बात मनाव, हाथ जोड़ घुटना बल चाल्या रे

देख्या देख सफेदी चढ़गी, पगा म नूयी जूती घाल्या रे

मूँछ मुंडार मूँछ मरोड़, सगळा काड गाळा रे

आगी भाळ चुनावा री, नुवा-पुराना नेता री।

देखी भीड़ घणी चाया पर, कुर्सी कुणकी चर्चा चाल्ये रे

चुनावमंत्री सगळा बणग्या, खुद न ही जीतावे रे 

अता दिना घरा बैठ्या, अब बारे निकल्या रे

जीत-हार तो होती रेसी, मत कर आज बुरायाँ रे

वोट बैंक बनाबे ख़ातिर, हवा बनाव राता म

आगी भाळ चुनावा री, नुवा-पुराना नेता री।

नुवा-नुवा का फड़का देख्या, म्हारी भी मंशा जागी रे 

म भी बणस्यू नेतों, पेर धोळो धोती-कुर्तों रे 

देख्या राजनीत का दावपेंच, म्हारो मनड़ो बोल्यो रे

प्यार-प्रेम की बोली बोल्यो, पर मिलसी इम बुराया रे

सोच्यो उल्टो म्हारो मनड़ो, गेला चुनाव याद दिरायो रे

भाया को भाया सु बेर, अ चुनाव करायो रे

दिल प हाथ राख सोगन खाली, 

पेट भरसी कमाया रे

खूब मुबारक़ सगळा न, वादा की पोटळ्या बणाया रे

आगी भाळ चुनावा री, नुवा-पुराना नेता री।