વિસામો

આ જીંદગીએ લીધો છે વિસામો,

કુદરતી કહેર સામે લાચાર બન્યો માનવી,

ત્યારે જ એકલતાનો પડઘો સંભળાયો,

કૉરોનાએ ઘરમાં નંખાવ્યો સૌને ધામો,

આ જીંદગીએ ત્યારે લીધો વિસામો.

સુખ કેરાં શોધમાં કુદરતથી વેર લીધાં,

સંકટ મંડરાયું જયારે જીવન સામે,

સઘળા હથિયાર પડયાં હેઠા,

ને અટકી પડ્યાં સઘળાં કામો,

આ જીંદગીએ ત્યારે લીધો વિસામો.

આંગણ આવતું કોઈ મહેમાન,

તો હરખાતી માનવીની જાત,

લોકડાઉન આવ્યું ને એકલતા લાવ્યું,

અસમંજસમાં મૂકાઈ માનવજાત,

આ જીંદગીએ ત્યારે લીધો વિસામો.

ગામડેથી નીકળી શહેર વસાવ્યાં,

વિકાસનાં નામે ઉધોગો વિકસાવ્યા,

ને પ્રદૂષણની આગે સૌને દઝાડયાં,

ને કુદરતનાં છાંયડે રહેવાનું ભૂલ્યાં,

આ જીંદગીએ ત્યારે લીધો વિસામો.