મયુરીનું આશાકિરણ-૩
મયુરીનું આશાકિરણ-૩
"હવે વાર્તા વર્તમાનમાં આવે છે."
વરુણભાઈ અને તેમના પત્ની સુધાબહેન મયુરીની રાહ જોતા હોય છે.
વરુણભાઈ: કિંજલબેટા(વરુણભાઈની નાની દીકરી), તારી
મયુરીદીદીને ફોન કરીને પૂછને વાર શું કામ લાગી?
કિંજલ : હા, પપ્પા કરું છું. (કિંજલ ફોન કરે છે પરંતુ ફોન નથી
લાગતો.) પપ્પા હું ફૉન કરું છું પણ બંધ આવે છે.
વરૂણભાઈ: બેટા, આશાકિરણમાં ફોન કરીને પુછને!
કિંજલ : હા પપ્પા, (કિંજલ આશાકિરણમાં ફોન કરે છે)
હેલ્લો, હું કિંજલ બોલું છું, મયુરીની નાની બહેન.
વસુધા : હું, વસુધા બોલું છું, તમારી શું સેવા કરી શકું છું?
કિંજલ : વસુધાબહેન દીદી ત્યાં છે? કે પછી નીકળી ગઈ?
વસુધા : મયુરીબહેન તો બપોરે ત્રણ વાગ્યે જ નીકળી ગયા છે.
કિંજલ : સારું, હું ફોન રાખું છું.
પપ્પા, દીદી તો ત્યાંથી બપોરે જ નીકળી ગઈ છે.
વરુણભાઈ: તો હજુ સુધી કેમ નથી આવી? ક્યાં હશે!
( ત્યાં ઘરની ડોર બેલ વાગે છે)
કિંજલ : પપ્પા, લાગે છે દીદી આવી ગઈ. હું ખોલું છું.
(કિંજલ બારણું ખોલીને જોવે છે તો મયુરી નથી હોતી,
પરંતુ કૃણાલ હોઈ છે, મયુરીનો મંગેતર.)
અરે જીજુ! તમે?
કૃણાલ : હા હું, કેમ કોઈ બીજાની રાહ જોતા હતા?
કિંજલ : હા, દીદી હજુ ઘરે નથી આવી માટે એની જ રાહ જોતા
હતા, પરંતુ તમે તો બે દિવસ પછી આવવાના હતા ને?
વરુણભાઈ: કોણ છે બેટા?
કિંજલ : પપ્પા, કૃણાલ જીજુ છે.
વરુણભાઈ: અરે બેટા એમને અંદર લઈ આવ.
કિંજલ : હા પપ્પા, આવો જીજુ અંદર આવો.
કૃણાલ : જય શ્રી કૃષ્ણ પપ્પા. કેમ છો?
વરુણભાઈ : આવ આવ બેટા, તું કેમ છે? અને બે દિવસ વહેલો?
કૃણાલ : હા, પપ્પા રજા વહેલી મળી ગઈ તો થયું કે તમને લોકોને સરપ્રાઈઝ આપુ, માટે આવી ગયો.
સુધાબહેન: (પાણી લઈને આવે છે) કેમ છો કૃણાલકુમાર?
કૃણાલ : હું મજામાં છું, તમે કેમ છો? મયુરી ક્યારે આવશે?
સુધાબહેન: બેટા, અમે પણ મયુરીની જ રાહ જોઈ રહ્યા છીએ.
આશાકિરણ પરથી પણ બપોરની ત્રણ વાગ્યાની
નીકળી ગઈ છે, અત્યારે નવ વાગ્યા પણ હજુ નથી આવી!
કૃણાલ : તમે ચિંતા ના કરો એ આવી જશે. તમારે લોકોને એની સાથે સવારે કંઈ વાત થઈ હતી, જ્યારે તે ઘરેથી નીકળી ત્યારે?
વરુણભાઈ: ના, બેટા કંઈ ખાસ વાત નહોતી થઈ, બસ એમ જ કહીને નીકળી કે હું આજે વહેલી આવી જઈશ.
પછી એને પાર્લર પર પણ જવાનું હતું.
કિંજલ : જીજુ આ ગિફ્ટ મારા માટે છે ને?
કૃણાલ : ના, આ તારા દીદી માટે છે, હું આવીને પહેલાં મયુરી
માટે ગિફ્ટ લેવા ગયો હતો, મોલ.
કિંજલ : શું વાત કરો છો જીજુ! આજે સાંજે દીદી પણ ક્રિસ્ટલ મોલ જવાની હતી તમારા માટે ગિફ્ટ લેવા.
કૃણાલ : શું કીધું તે કિંજલ! મયુરી પણ સાંજે ક્રિસ્ટલ મોલ જવાની હતી?
કિંજલ : સાંજે છ વાગ્યા આસપાસ જવાની હતી.
કૃણાલ : એટલે સાંજે મોલના પાર્કિગમાં મારી કાર પાસે હું ગયો ત્યારે ત્યાં કારના કાચમાં મને મયુરી દેખાણી પણ ખરી, પરંતુ હું જેવો પાછળ ફર્યો કે ત્યાં કોઈ
પણ નહોતું.
( એટલામાં ત્યાં લાઈટ જતી રહે છે, અને તરત જ ઘરની
બેલ પણ વાગે છે.)
ક્રમશ....