"પ્રેમની યાદોનાં ખાબોચિયાં" ૭૭

      અહીં લખેલ વાર્તામાં બધા પાત્રો કાલ્પનિક છે, બધી વાતો પણ કાલ્પનિક છે. આ વાર્તાનો કોઈના પણ ભૂતકાળ કે ભવિષ્યકાળ કે પછી વર્તમાનકાળ સાથે કોઈપણ રીતે સંબંધ નથી. આ વાર્તામાં બધો સમય કાલ્પનિક છે, બધી જગા પણ કાલ્પનિક છે. આ એક કાલ્પનિક ધારાવાહિક વાર્તા છે.

     તો વાચક મિત્રો આગળ જોઈએ કે આરતીના ઘરે કોણ આવ્યું હશે? શું એ વ્યક્તિ ના લીધે આરતી અને સચિનના સંબંધ માં ફેર પડશે?આવા અનેક પ્રશ્નોના જવાબ જાણવા અને અનેક ટ્વીસ્ટ જાણવા માટે વાંચતા રહો મારી ધારાવાહિક અને તમારા કિંમતી અને અમૂલ્ય પ્રતિભાવ જરૂરથી આપજો.

                     અત્યાર સુધીની વાર્તા
 
સચિન:(જોર જોરથી હસે છે.)"શું કીધું ભારતીય નારી!" પતિ! આવું બધું તને કોણ શીખવે છે? તું આરતી છે, પૂજા નથી. મને તું જેમ છે એમજ ગમે છે, જો તારે નોર્મલ રીતે વાત કરવી હોય તો કર બાકી હું ફોન કટ કરી દવ છું."
આરતી:"એ ના ના ફોન કટ ના કરતો હું મસ્તી કરતી હતી."
સચિન:"હવે બરાબર."
             આરતી કંઈ બોલે તે પહેલાં આરતી ના ઘરની ડોર બેલ વાગે છે, માટે આરતી સચિનને ઈશારો કરે છે કે એક મીનીટ હું ડોર ખોલી લવ. આરતી ડોર ખોલે છે એટલી વારમાં સચિન શર્ટ પહેરી લે છે. આરતી ડોર ખોલીને સામે ની વ્યક્તિને જોઈને શોક થઈ જાય છે, આરતી કંઈ બોલતી નથી માટે સચિન પૂછે છે કોણ છે? કોણ છે? પરંતુ આરતી કંઈ બોલતી નથી ફક્ત જોયાજ કરે છે.

                        હવે આગળની વાર્તા
                             ભાગ - ૭૭

                 આરતી ગભરાઈને તરત ફોન કટ કરી દે છે, જેના લીધે સચિનને ચિંતા થાય છે માટે સચિન પાછો ફોન કરે છે પરંતુ આરતી ફોન નથી ઉપડતી માટે સચિન તરત પૂજાને ફોન કરવાનું વિચારે છે પરંતુ તરત સચિનને યાદ આવે છે કે પૂજા ને તો બેડરેસ છે માટે તરત સચિન એકતાને ફોન કરે છે.
એકતા:"બોલો બોલો સચિન કુમાર."
સચિન:"ભાભી પ્લીઝ તમે મને કુમાર ના કો, ફક્ત સચિન જ કહો તો મને વધારે ગમશે."
એકતા:"ઠીક છે બોલો મને શું યાદ કરી?"
સચિન:"ભાભી હમણાં હું આરતી સાથે વાત કરતો હતો તો અચાનક તમારા ઘરે કોઈ આવ્યું અને આરતી ગભરાઈને ફોન રાખી દીધો, પછી હું પાછો ફોન કરું છું તો ઉપડતી નથી."
એકતા:"હા હમણાં બેલ તો વાગી હતી, તમે ચિંતા ના કરો હું હમણાં જોઈને તમારી આરતી સાથે વાત કરાવું છું."
સચિન:"થેંક્યું ભાભી."
                 એકતા તરત ફોન મૂકીને હોલમાં જાય છે. આ બાજુ આરતી ગભરાઈ ને તરત ડોર બંધ કરવા જાય છે તો સામેની વ્યક્તિ ડોર માં સામેથી ખૂબ જોરથી ધક્કો માટે છે જેના લીધે આરતી અંદર પડી જાય છે ત્યારે એકતા ઉપરથી આ જોવે છે અને દોડીને નીચે આવીને આરતીને ઊભી કરે છે અને ગુસ્સામાં સામે ઊભા વ્યક્તિને કહે છે,
એકતા:"હિમંત કેમ થઈ તમારી, હું પોલીસ બોલાવીશ."
આરતી:"ભાભી રહેવા દો, કરણ ભાઈને બોલાવો."
એકતા:"પણ આ છે કોણ? અને તું આટલી બધી ડરે છે શા માટે?"
આરતી:"આ વિક્રમ આહુજા છે, કરણ ભાઈ ના બિઝનેસ રાઈવલ."
એકતા:"પણ તું શા માટે એમનાથી ડરે છે?"
વિક્રમ:"શું મને અંદર નહીં બોલાવો?"
એકતા:"ના, તમે અહીંથી જતાં રહો."
વિક્રમ:"જો હું અહીંથી જતો રઈશ તો પછી તમારું જ નુકશાન થશે."(આટલું કહીને વિક્રમ એકતા અને આરતીને ધક્કો મારીને ઘરમાં અંદર આવી જાય છે, અને આરતીનો હાથ પકડીને આરતીને પોતાની બાજુમા પકડીને બેસાડે છે.)
એકતા:"હું પોલીસ બોલાવીશ."
વિક્રમ:"અમે બંને સાથે કેવા લાગીએ? સારા લાગીએ ને?"
આરતી:"પ્લીઝ મને છોડી દો."
વિક્રમ:"તને છોડવા માટે થોડીને પકડી છે, એટલે કે તારો હાથ તો હું જિંદગી ભર પકડી રાખવા માંગુ છું, તારી આ મીઠી મીઠી સ્મેલ, તારી આ કાજલ કરેલી આંખોમાં હું ખોવાઈ જવા માંગુ છું."
એકતા:(વિક્રમ નો હાથ છોડાવીને આરતીને પોતાની પાસે ખેંચી લે છે.)"શું બોલો છો તમે તમને ખબર પણ છે, તમારી અને આરતી ની ઉંમર તો જોવો."
વિક્રમ:"ફક્ત વીસ વર્ષનો તો તફાવત છે, એમાં કોઈ મોટી વાત નથી, પ્રેમ તો બધું ચાલે."
આરતી:"પરંતુ હું તમને પ્રેમ નથી કરતી, આપડે તે પાર્ટી માં મળ્યા ત્યારે પણ તમે મારી સાથે જબરદસ્તી કરવાની કોશિશ કરી હતી માટે જ કરણ ભાઈ હંમેશા મારી સાથે બોડી ગાર્ડ રાખે છે."
વિક્રમ:"હવે બોડી ગાર્ડ ની જરૂર નહીં પડે, કારણકે મારી સાથે કાલે તારા લગ્ન છે."
એકતા:"શું બકવાસ કરો છો? હું હમણાં કરણ અને અર્જુન બંનેને બોલવું છું."
વિક્રમ:(જોર જોરથી હસે છે)"ક્યાંથી બોલાવીશ? એ લોકો ને તો મે ક્યારના કીડનેપ કરી લીધા છે અને બહાર બધી જગા પર મારા બોડી ગાર્ડ છે જે કોઈને અંદર નહીં આવવા દે."
            વિક્રમ ની આ વાત સાંભળીને એકતા ઘરના બધા લોકોને બોલાવે છે પરંતુ કોઈ સાંભળતું નથી. વિક્રમ જોર જોરથી હસે છે અને કહે છે "જા જઈને જોઈ આવ કે બધા કેમ નથી આવતાં." એકતાને કંઇક ગડબડ લાગે છે માટે એકતા પોતાનો ફોન પાછળ રાખીને લાસ્ટ કોલ માં પાછો કોલ કરે છે અને બોલે છે, 
એકતા:"તમાંરી હિંમત કેમ થઈ કરણ અને અર્જુનને કીડનેપ કરવાની અને તમાંરી સાથે આરતીના જબરદસ્તી લગ્ન તો હું નહીં જ થવા દવ."
વિક્રમ:"તરે જે કરવું હોય તે તું કર હું કાલે આરતી સાથે લગ્ન કરીશ."
              આટલું બોલતાં બોલતાં વિક્રમ એકતાની નજીક આવે છે તો એકતા ગભરાતાં અવાજમાં બોલે છે,"મારી પાસે નો આવતાં બાકી બાકી," આટલું કહીને એકતા પોતાના હાથ માં જે ફોન હતો તે કટ કરીને સ્વીચ ઓફ કરી દે છે. વિક્રમ એકતાની એકદમ નજીક આવીને તેના હાથમાંથી ફોન લઈ લે છે અને કહે છે,
વિક્રમ:"કોને ફોન કર્યો હતો?"
એકતા:(ગભરાતાં ગભરાતા બોલે છે)"કોઈ ને તો નઈ કોઈને નાઈ."
વિક્રમ:"મારી સાથે ગેમ રમે છે?"(આટલું કહીને વિક્રમ એકતા ના વાળ પકડીને એકતાને જમીન પર નીચે નાખે છે.)
આરતી:"પ્લીઝ ભાભી ને કંઈ ન કરો હું તમારી આગળ હાથ જોડું છું."
એકતા:(ઊભી થઈને કહે છે.)"આરતી રહેવા દે હું હમણાં અંદર થી બધાને બોલાવવું છું પછી જો તારી શું હાલત થશે."
વિક્રમ:"હા જા જોઇલે કોઈ બહાર આવવાની હાલત માં છે કે નહીં."
આરતી:"એટલે તમે કહેવા શું માંગો છો? શું થયું બધાને?"
             વિક્રમ ત્યાં સોફા પર બેઠો બેઠો હસતો હતો અને એકતા દોડીને બધાના રૂમમાં જાય છે. વિક્રમ આરતીને પોતાની બાજુમા આવવા કહે છે પરંતુ આરતી નથી આવતી જેથી વિક્રમ ને ગુસ્સો આવે છે અને પોતે ઊભો થઈને આરતીને હાથ પકડીને જબરદસ્તી થી પોતાની બાજુમા બેસાડે છે અને આરતીના માથા પર હાથ ફેરવે છે. આરતીને જરાપણ ગમતું નથી માટે આરતી વિક્રમને જાપટ મારી ને ધક્કો મારીને દુર જવાની નાકામ કોશિશ કરે છે. વિક્રમનો ગુસ્સો તો વધતો જતો હતો, વિક્રમ કંઈ કરે તે પહેલાં એકતા ત્યાં આવે છે ને ખુબ ગુસ્સા સાથે પૂછે છે,
એકતા:"શું કર્યું તમે અમારા કુટુંબ ના લોકો સાથે, અને પૂજાએ તમારું શું બગાડ્યું હતું કે તમે પૂજાને પણ."
આરતી:"શું થયું?"

             તો વાચક મિત્રો શું લાગે છે શું આરતીના લગ્ન વિક્રમ સાથે થશે? કે પછી સચિન સાથે આરતીના મેરેજ થશે? શું સાચે વિક્રમ આહુજા એ કરણ અને અર્જુનને કીડનેપ કર્યા હશે? શું એકતા પોતાને અને આરતી અને ઘરના લોકોને બચાવશે? આવા અનેક પ્રશ્નોના જવાબ જાણવા અને અનેક ટ્વીસ્ટ જાણવા માટે વાંચતા રહો મારી ધારાવાહિક અને તમારા કિંમતી અને અમૂલ્ય પ્રતિભાવ જરૂરથી આપજો.
ક્રમશ:....
-ઈશિતા રાયઠઠ્ઠા.