"પ્રેમની યાદોનાં ખાબોચિયાં" ૭૬

    અહીં લખેલ વાર્તામાં બધા પાત્રો કાલ્પનિક છે, બધી વાતો પણ કાલ્પનિક છે. આ વાર્તાનો કોઈના પણ ભૂતકાળ કે ભવિષ્યકાળ કે પછી વર્તમાનકાળ સાથે કોઈપણ રીતે સંબંધ નથી. આ વાર્તામાં બધો સમય કાલ્પનિક છે, બધી જગા પણ કાલ્પનિક છે. આ એક કાલ્પનિક ધારાવાહિક વાર્તા છે.

    તો વાચક મિત્રો આગળ જોઈએ કે શું અર્જુન ને મળીને એકતાના ઘરના લોકો ખુશ થશે? શું આરતી અને સચિનના લગ્ન થશે? શું પૂજાની પ્રેગનેનસી માં કોઈ તકલીફ આવશે?આવા અનેક પ્રશ્નોના જવાબ જાણવા અને અનેક ટ્વીસ્ટ જાણવા માટે વાંચતા રહો મારી ધારાવાહિક અને તમારા કિંમતી અને અમૂલ્ય પ્રતિભાવ જરૂરથી આપજો.

            અત્યાર સુધીની વાર્તા

સચિન:"તો ઘરે મહેમાન આવે એ લોકોના જમવાની વ્યવસ્થા માટે તારી સાથે લગ્ન કરું?"

         સચિનની વાત સાંભળીને આરતી સચિનને મારવા લાગે છે, એકતા બંનેને રોકે છે અને પછી આરતી અને એકતા બધા માટે જમવાની વ્યવસ્થા કરે છે. બધા સાથે મળીને જમે છે અને પછી કરણ અને આરતી મુંબઈ જવા નીકળે છે અને અર્જુન અને એકતા એકતાના મમ્મી ના ઘરે જાય છે. આજે કરણ ખુશ હતો પોતાની ભૂલની માંફી માંગી લીધી માટે. એકતા પણ ખુશ હતી અર્જુન એની સાથે એના મમ્મી ના ઘરે આવતો હતો માટે.

            હવે આગળની વાર્તા

              ભાગ - ૭૬

  

        કરણ અને આરતી ઘરે આવે છે ત્યારે બધા એ લોકોની રાહ જોઈને હોલમાં બેઠા હોય છે. પૂજા પણ ખુશ હતી, કરણ અને આરતી આવીને બધાને ગળે મળે છે અને પછી કરણ બધાને બધી વાત કરે છે. માયા બહેન આરતીને જોઈને ખુશ થઈ જાય છે. બધા સાથે જમે છે અને અર્જુન અને એકતા બીજે દિવસે આવે પછી આરતી અને સચિનની સગાઈની તારીખ નક્કી કરવાનું નક્કી કરીને બધા પોતપોતાના રૂમમાં આરામ કરવા ગયા. 

      આરતી પોતાના રૂમમાં પહોંચી ત્યાં સચિનનો ફોન આવે છે તો આરતી સચિન સાથે વાતો કરવા બોઝી થઈ જાય છે. પૂજા પોતાના રૂમમાં કરણ ની રાહ જોવે છે. કરણ રૂમમાં તો આવે છે પરંતુ પોતાની એક મહત્વ ની મીટીંગ ની તૈયારી કરે છે. પૂજા ક્યારની બેડ પર બેઠી બેઠી કરણ ને જોવે છે કે ક્યારે કરણ આવે, પરંતુ કરણ તો પોતાના કામમાં એટલો વ્યસ્ત હતો કે કરણ નું ધ્યાન જ ન ગયું કે પૂજા કરણ ની રાહ જોવે છે.

        પૂજાની સહન શકતી પૂરી થાય છે માટે પૂજા ટ્રિક કરે છે. પૂજા પોતાના ફોન માં વાત કરે છે જોર જોરથી જેનાથી કરણ નું ધ્યાન ભંગ થાય છે અને કરણ સમજી જાય છે કે પૂજા આ બઘું પોતાનું અટેંશન મેળવવા કરે છે. કરણ તરત પોતાનું કામ મૂકીને કપડાં બદલાવીને પૂજાની બાજુમાં જઈને બેસે છે અને પૂજાના માથામાં હાથ ફેરવવા લાગે છે.

પૂજા:"આજે આખો દિવસ મે અને બાબુ એ તમને બોવ મિસ કર્યા."

કરણ:"શું તું અને બાબુ!"

પૂજા:"હા આપડું બાબુ."

કરણ:"અત્યારથી બાબુ ને ખબર પણ પડી ગઈ કે પપ્પા દિલ્હી ગયા હતાં."

પૂજા:"હા ખબર જ હતી, તમે જ્યારે મને કહીને ગયા ત્યારે બાબુ એ પણ પેટમાં સાંભળી લીધું હતું માટે એ પણ મારી જેમ તમને મિસ કરતું હતું."

કરણ:"ઓહો તું અને તારી વાતો, તને કોઈ નો પોંચે."

પૂજા:"મને પણ સચિનનો ફોન આવ્યો હતો અભિનંદન આપવા. સચિનના અવાજ પરથી લાગતું હતું કે સચિન ખૂબ ખુશ હતો."

કરણ:"હા ખુશ હતો, અને હું પણ ભાર ઉતરી ગયો, સચિને મને માફ કરી દીધો માટે. હવે કાલે અર્જુન અને એકતા આવે એટલે આપડે આરતીની સગાઈ ની તારીખ નક્કી કરી લઈએ."

પૂજા:"સાચી વાત છે."

કરણ:"તે તારી દવા ખાધી?"

પૂજા:"હા, મે મારી દવા સમયસર લઈ લીધી છે તમે ચિંતા ના કરો."

કરણ:"ઠીક છે હવે તું સૂઈ જા."

પૂજા:"તમારે નથી સૂવું?"

કારણ:"મારે થોડું કામ છે એ પૂરું થાય પછી હું સુઈ જઈશ તું સૂઈ જ."

        પૂજા સૂઈ જાય છે અને કરણ પોતાનું કામ કરતાં કરતાં ત્યાં તે ટેબલ પર સુઈ જાય છે. આ બાજુ અર્જુન ને એકતા ના મમ્મી અને ભાઈ સાથે ખૂબ મજા આવે છે, એ લોકો પણ અર્જુનને મળીને ખુશ હતા. એકતા અને અર્જુન બંને એકતાના મમ્મી ના ઘરેથી રજા લઈને મુંબઈ આવવા નીકળે છે. સચિન ને પોતાના કામથી દુબઈ જવાનું હતું માટે સચિન બે દિવસ માટે દુબઈ જાય છે.

      અર્જુન અને એકતા ઘરે આવે છે પછી ફ્રેશ થઈને આરામ કરીને જમવાના સમયે બધાને મળે છે અને બધા સાથે જમે છે પછી બધા આરતીની સગાઈની તારીખ જોતાં હતાં. જયા બહેન એ પંડિતજી ને પણ બોલાવ્યા હતાં. પંડિતજી એ આરતી અને સચિનની સગાઈની તારીખ દસ દિવસ પછીની આપી. બધા ખુશ હતાં, આરતી પણ તારીખ નક્કી થઈ તે સાંભળીને મલકાતી હતી. એકતા બધાને મીઠાઈ ખવડાવે છે.

     કરણ સચિનને ફોન કરીને સગાઈની તારીખ જણાવે છે. સચિન પણ એ તારીખે સગાઈ કરવા તૈયાર હતો. કરણે સચિનને કહ્યું હતું કે તું ચિંતા ના કરતો અમે બધી તૈયારી કરી લેશું ફક્ત તું તારા મહેમાન ની યાદી મોકલી દેજે સો અમે એ લોકોને પણ આમંત્રણ આપી દઈએ. માયા બહેન અને વિપુલ ભાઈ કરણ નું આવું વર્તન જોઈને ખૂબ ખુશ હતાં. વર્ષો પહેલાં જેના માટે માયા બહેન અને વિપુલ ભાઈ એ લગ્ન કર્યા હતાં તે આજે સફળ થયું અને એ પણ પૂજા ના કારણે.

      ઘરમાં સગાઈની તૈયારી જોરો શોરોથી થવા લાગી, પૂજા ને બેડરેસ હતો માટે એકતા પર જવાબદારી વધારે આવી ગઈ હતી અને એકતા પણ ખાસ ધ્યાન રાખતી હતી કે પૂજા ને કોઈ વાતનો સ્ટ્રેસ ના આવે. અર્જુન પણ પોતાની હોસ્પિટલ ના ઉદ્દઘાટન ની તૈયારી કરવા લાગ્યો. જોષી કુટુંબ માં ઘણા સમય પછી એકસાથે આટલી બધી ખુશી આવી હતી, પરંતુ આવનારી આફત થી આખું કુટુંબ અજાણ હતું.

        સચિન દુબઈ પહોંચીને પોતાનું કામ જલ્દી પૂરું કરે છે અને ત્યાં આરતી માટે ઘણું બધું શોપિંગ કરે છે સાથે સાથે આરતીના આખા કુટુંબ માટે ગિફ્ટ લે છે. સચિન હોટલ પર જઈને આરામથી ફ્રેશ થાય છે ત્યારે આરતીનો વિડ્યો કોલ આવે છે માટે સચિન તરત ફોન ઉપાડી લે છે. વિડ્યો કોલ પર સચિનને જોઈને આરતી શરમાઈ જાય છે, અને નીચું જોઈને વાત કરે છે.

સચિન:"શું થયું? તું ક્યારથી મારાથી આટલી શરમાવા લાગી?"

આરતી:"તમે કેમ આમ શર્ટ પહેર્યા વગર ફરો છો?"

સચિન:"શું કીધું? તમે! ઓહો આટલો બધો ફેરફાર ક્યારથી આવ્યો?"

આરતી:"પહેલાં કંઇક પહેરી લો પછી તમારી સાથે વાત કરીશ."

સચિન:"હું હમણાં નાહીને નીકળો અને તું ક્યારની કોલ કરતી હતી તો મને થયું કે તને કંઇક કામ હશે તો મે તરત ફોન ઉપાડી લીધો. તે મને કપડાં પહેરવાનો સમયજ ક્યાં આપ્યો."

આરતી:"હા તો હવે કહું છું ને પહેલાં તમે કપડાં પહેરી લો."

સચિન:"હવે તો આમજ રહીશ, મને કિસ કરવામાં શરમ નથી આવતી અને મને શર્ટ વગર જોવામાં શરમ આવે છે?"

આરતી:"એ ત્યારે તો ખબર નહીં માને શું થયું પણ એ તમે ભૂલી જાવ."

સચિન:"તું મને તમે તમે શા માટે કહે છે?"

આરતી:"એ તો સારા સંસ્કાર કહેવાય, ભારતિય નારી પોતાના પતિને તમે કહીને જ બોલાવે અને નામ પણ ન લે."

સચિન:(જોર જોરથી હસે છે.)"શું કીધું ભારતીય નારી!" પતિ! આવું બધું તને કોણ શીખવે છે? તું આરતી છે, પૂજા નથી. મને તું જેમ છે એમજ ગમે છે, જો તારે નોર્મલ રીતે વાત કરવી હોય તો કર બાકી હું ફોન કટ કરી દવ છું."

આરતી:"એ ના ના ફોન કટ ના કરતો હું મસ્તી કરતી હતી."

સચિન:"હવે બરાબર."

       આરતી કંઈ બોલે તે પહેલાં આરતી ના ઘરની ડોર બેલ વાગે છે, માટે આરતી સચિનને ઈશારો કરે છે કે એક મીનીટ હું ડોર ખોલી લવ. આરતી ડોર ખોલે છે એટલી વારમાં સચિન શર્ટ પહેરી લે છે. આરતી ડોર ખોલીને સામે ની વ્યક્તિને જોઈને શોક થઈ જાય છે, આરતી કંઈ બોલતી નથી માટે સચિન પૂછે છે કોણ છે? કોણ છે? પરંતુ આરતી કંઈ બોલતી નથી ફક્ત જોયાજ કરે છે.

         તો વાચક મિત્રો શું લાગે છે આરતીના ઘરે કોણ આવ્યું હશે? શું એ વ્યક્તિ ના લીધે આરતી અને સચિનના સંબંધ માં ફેર પડશે?આવા અનેક પ્રશ્નોના જવાબ જાણવા અને અનેક ટ્વીસ્ટ જાણવા માટે વાંચતા રહો મારી ધારાવાહિક અને તમારા કિંમતી અને અમૂલ્ય પ્રતિભાવ જરૂરથી આપજો.

ક્રમશ:....

-ઈશિતા રાયઠઠ્ઠા.