Jyotindra Mehta

Tragedy Thriller


4  

Jyotindra Mehta

Tragedy Thriller


અમંગળા

અમંગળા

35 mins 689 35 mins 689

અમંગળા ભાગ ૧


  "એય મંગળા ક્યાં મારી ગઈ !" એટલી બમ સાથે ૧૨ વર્ષની નાની બાળકી દોડતી દોડતી હૉલ માં પહોંચી ગઈ . મંગળાની ઉદ્દેશીને તે સ્ત્રીએ કહ્યું અમે મંદિરમાં દર્શન કરવા જઇયે છીએ ઘરનું ધ્યાન રાખજે અને આજે બેસતું વર્ષ છે જો કોઈ મહેમાન આવે તો નાસ્તો ધરજે અને ખબરદાર જો એકેય મીઠાઈને તે હાથ અડાડ્યો છે તો . તે સ્ત્રીની આંગળી પકડીને ઉભા રહેલા બાળકે ચેહરા પર માસુમિયત લાવીને પૂછ્યું " મમ્મી , દીદી આપણી સાથે નહિ આવે મંદિરમાં ?" તે સ્ત્રીએ બાળકને વઢતા બાળકને કહ્યું " ચૂપ રહે, ભોગ લાગ્યા છે ભગવાનના તે આ અમંગળાને મંદિરમાં લઇ જાઉં . આને બેસતાં વર્ષના દિવસે મંદિરમાં લઇ જાઉં તો ખબર પડશે બે દિવસમાં મંદિર તૂટી ગયું . અને આ મૂઈ મરતીયે નથી . છોકરો ધીમેથી હસ્યો . તેને મમ્મી પાસે આવી બડબડ કરાવવામાં માજા આવતી તેથી જ તેણે આ પ્રશ્ન કર્યો હતો . થોડીવારમાં મંગળાને ગાડી સ્ટાર્ટ થવાનો અવાજ આવ્યો અને તેના મનમાં થોડી શાંતિ થઇ . તે દોડીને બારી પાસે ગઈ અને ગાડીને જતા જોઈ રહી . તેણે વિચાર્યું હવે બે કલાક ની નિરાંત અને જેટલા મહેમાન આવવાના હતા એટલા આવી ગયા, હવે કોઈ નહિ આવે . તે દોડીને નાસ્તાની પ્લેટ પાસે ગઈ અને એક વાટકામાંથી કાજુ ઉપાડીને મોઢામાં નાખ્યું અને મુક્તાની સાથે તેની આંખમાંથી આંસુ વહી નીકળ્યા . કરોડપતિ બાપની સૌથી મોટી દીકરી, સગા માબાપ સાથે રહેતી હોવા છતાં આવું ઉપેક્ષિત અને હડધૂત જીવન જીવી રહી હતી . મંગળા ફક્ત નામે મંગળા હતી બાકી તેની સાથે ફક્ત અમંગળ વાતો જોડાયેલી હતી .


           જન્મતી વખતે મંગળા એકલી નહોતી સાથે એક ભાઈ પણ હતો પણ જન્મતાની સાથે કોઈ રોગ લાગુ થવાને લીધે તે મરી ગયો પણ નાનીશી મંગળા જીવી ગઈ ચેહરા પણ થોડા ડાઘ સાથે . તે બે વરસની થઇ ત્યાં સુધી તો માબાપ તેના પર હેત વરસાવતા પણ તેની માતાની કુખે એક બાળક જન્મ્યું અને બે દિવસમાં ગુજરી ગયું . મંગળાના પિતા પ્રીતમ મહેતા ઉર્ફ પ્રીતમ શેઠીયાએ જ્યોતિષીને બતાવ્યું તો જ્યોતિષીએ દોષનો ટોપલો નાનીશી મંગળાને માથે ઓઢાડી દીધો અને તે દિવસથી આજદિન સુધી તેની બદનસીબી દૂર નહોતી થઇ .


  મંગળના પિતાનું નામ પ્રીતમ મહેતા પણ માર્કેટ માં પ્રીતમ શેઠિયાના નામે જાણીતા હતા. માતાનું નામ સરિતા . તે બાળક મરી ગયા પછી જ્યોતિષીએ કહેલી વિધિ પછી નસીબથી એક છોકરો અને છોકરી જન્મ્યા તેમના નામ વિનય અને પ્રચિતા હતા. આમ દેખાવે સુખી પરિવાર છતાં પરિવાર દુઃખી હતી અને તેમના દુઃખનું કારણ હતું મંગળાનું અસ્તિત્વ ..મંગળાના જન્મ પછી જે દુર્ઘટનાઓ થઇ તેને લીધે તેના નામ સાથે અમંગળા , અપશકુની , છપ્પનપગી તેવા વિશેષણો જોડાઈ ગયા . તેના જન્મસમયે તેની સાથે જન્મેલો તેનો જોડકોં ભાઈ મરી ગયો . તેના બે વરસ પછી જન્મેલો તેનો ભાઈ બે દિવસમાં ગુજરી ગયો . તેને પહેલીવાર તેની ફોઈના ઘરે લઇ ગયા તે જ દિવસે તેના ફુઆ નું મૃત્યુ થયું અને અધૂરામાં પૂરું તેને જે દિવસે શાળામાં દાખલ કરી તે દિવસે સાંજે તેના વર્ગશિક્ષક નું માર્ગ અકસ્માતમાં મૃત્યુ થયું તે ઘટના પછી તેના માથાની કાળી ટીલી એટલી ગાઢી બની કે કોઈ નાની ઘટના બને એટલે તેને જવાબદાર ઠેરવવામાં આવતી. તેને ઓળખનાર દરેક જણ તેને અપશકુની માનતો. પ્રીતમ શેઠિયાને જયારે પણ કોઈ પ્રસંગમાં હાજરી આપવાનું આમંત્રણ મળતું ત્યારે સાથે એક વિનંતી કરવામાં આવતી કે મોટી દીકરીને લઈને આવવું નહિ .પ્રીતમ શેઠિયા આમ તો સારા માણસ પણ લોકોના મહેણાં અને પત્નીની કીટીકીટ સાંભળીને દીકરી પ્રત્યે અણગમો થઇ ગયો હતો.


        આજે પણ એવુજ થયું હતું બેસતા વર્ષના દિવસે બધા મહેમાનો આવીને ગયા પછી તેઓ મંગળાને એકલી ઘરે મૂકીને દેવદર્શને ગયા હતા. મંગળા પોતાના પ્રત્યે ઘરના કે બહારના લોકોનું વર્તન સમજી નહોતી શકતી તેથી તે દુઃખી અને ગુસ્સામાં રહેતી હતી. સાક એવું પણ નહોતું કે તેને આખો વખત મ્હેણાંટોણાં સાંભળવા પડતા પણ નાનોભાઈ વિનય તેને હેરાન કરવાની એક પણ તક ન છોડતો . જો કોઈ વસ્તુ તેના હાથમાંથી પડી જાય કે ઢોળાઈ જાય કે પછી કોઈ વસ્તુ ચોરીછૂપે ખાતા જોઈ જાય એટલે તરત મમ્મીને ફરિયાદ કરતો અને પછી તેની મમ્મી નો કીટીકીટ નો દોર કલાક બે કલાક લંબાતો તેમાં કોઈ વખત પિતાના હાથે માર ખાવો પડતો.


           સમય ગુજરતો ગયો તેમ મંગળા મોટી થતી ગઈ અને સમજદાર થઇ ગઈ પણ લોકોના તેના પ્રત્યેના વર્તન ના લીધે તેની સમજદારી પણ કુંઠિત હતી . તે ભારોભાર પૂર્વગ્રહગ્રસ્ત બની ગઈ હતી , તેનો આત્મવિશ્વાસ તળિયે બેસેલો હતો . તેને ઘરની બહારનું કોઈ કામ કરવું હોય તો તે કરી શકતી નહિ. તે ફક્ત કચરાપોતું , વાસણ માંજવા , કપડાં ધોવા અને રસોઈ કરવી એટલુંજ કરી શકતી . માંડમાંડ ૧૨ મી સુધી ભણી અને ૧૨ મી માં ૪૫ ટકા માર્ક્સ લાવ્યા પછી ભણવાનું છોડી દીધું . તેને ન તો કોઈ મિત્રો હતા ન તો કોઈ સહેલી . સ્કૂલ અને કોલેજમાં પણ તેનું અસ્તિત્વ ઘરની જેમ હતું જાણે તે કોઈ અદ્રશ્ય વ્યક્તિ હોય તેમ તેની તરફ જોતું નહિ .વર્ગમાં તેની સાથે કોઈ વાત કરતુ નહિ જાણે તેની સાથે વાત કરવાથી કોઈ દુર્ઘટના થઇ જશે .


            કુંઠિત વિચારસરણી અને લઘુતાગ્રંથિ સાથે મોટી થયેલી મંગળાના લગ્ન વડોદરાના એક મધ્યમવર્ગીય છોકરા સાથે મોટો દાયજો આપીને તેના પિતાએ કરાવ્યા. મંગળાના પતિનું નામ સુયશ હતું . લગ્ન માટે સુયશ તૈયાર થવાનું કારણ એ હતું કે ન તો તેને માબાપ હતા ન તો ભાઈ બહેન . તેના માતાપિતાના મૃત્યુ ને બે વરસ થયા હતા . સૂયશનું સપનું મોટા માણસ થવાનું હતું અને તે કોઈ પણ ભોગે મોટો માણસ થવા માંગતો હતો તેથી તેને મળેલ આ તક તેને ઝડપી લીધી .  


અમંગળા ભાગ 2


  સુયશ એક ચાલીમાં બે રૂમવાળા ઘરમાં રહેતો હતો . લગ્ન થયા પહેલાજ તેણે સસરાના પૈસાથી પૉશ એરિયામાં બંગલો બુક કરાવ્યો હતો પણ તેનું પઝેશન મળવામાં બે ત્રણ મહિનાની વાર હતી તેથી નછૂટકે સુયશ લગ્ન પછી મંગળાને લઈને ચાલીમાં આવ્યો . સુયશના માં બાપે બનાવેલા સંબંધો અને ચાલીના ક્લચર મુજબ પાડોશીઓ સુયશનું ખુબ ધ્યાન રાખતા. સાદાઈથી કરેલા લગ્નમાં પણ આખી ચાલ ઉમટી પડી હતી જે સુયશને તો વધારે નહોતું ગમ્યું પણ મંગળાને ગમ્યું હતું , કારણ પહેલીવાર કોઈની આંખોમાં પોતાના પ્રત્યે અણગમા ને બદલે અહોભાવ દેખાયો હતો . સુયશ નાનપણથી ચાલીમાં ઉછર્યો હતો પણ તેને ચાલીમાં રહેવું ગમતું નહિ તેને ઘણીવાર લાગતું કોઈનું આટલી બધીવાર કોઈના ઘરમાં ઘુસવું એટલે પ્રાયવસીભંગ કહેવાય પણ માબાપ ની આમાન્યા રાખીને બધા સાથે સારી રીતે વર્તતો અથવા એવો અભિનય કરતો .


       આજે સુયશ અને મંગળાની સુહાગરાત હતી , પાડોશીઓએ આંખુ ઘર સજાવી દીધું હતું અને પલંગ ગુલાબની મ્હેકથી સુવાસિત હતો . રાતના ૧૧ વાગ્યા હતા છતાં પાડોશ ની સ્ત્રીઓ સૂયશના ઘરમાં બેસીને મંગળા સાથે વાત કરી રહી હતી. મંગળા આજે એકદમ ખુબસુરત દેખાઈ રહી હતી . બધા એકબીજાની મશ્કરી કરી રહ્યા હતા . મંગળાને આ બધું બહુજ ગમ્યું હતું , બધાના વર્તનમાં આત્મીયતા હતી . સવા અગિયાર વાગ્યા એટલે સૂયશે ખોંખારો ખાધો એટલે નિમીભાભી બોલ્યા સુયશભાઈ ગળામાં તકલીફ હોય તો તમારા ભાઈ ને કહું ડૉક્ટર પાસે લઇ જાય આટલું કહેતાની સાથે બધા હસી પડ્યા પછી નિમીભાભીએ ઈશારો કર્યો એટલે આખું મહિલામંડળ ઉભું થયું . નિમીભાભીએ મંગળાને આંખ મારીને કહ્યું સંભાળજે, બૅટ્સમૅન બૅટીંગ કરવા તલપાપડ થઇ રહ્યો છે એમ કહીને ત્યાંથી નીકળી ગયા . સુયશે જલ્દીથી બારી બારણાં બંધ કર્યા અને પછી ટ્યુબલાઈટ બંધ કરીને ડીમ લાઈટ ચાલુ કરી અને પલંગ પર મંગળાની બાજુમાં બેઠો . તે વાત કરતા કરતા મંગળાના વાળ સાથે રમવા લાગ્યો તેણે મંગળના ગાલ પર એક કિસ કરી. પછી તેણે મંગળાના શરીર પરથી સાડી દૂર કરી અને જેવી તેણે બાથ માં લેવા ગયો મંગળાએ સુયશને ધક્કો માર્યો અને કહેવા લાગી મને અડશો નહિ મારાથી દૂર રહો, આ બધું મને નથી ગમતું . સુયશ તેના આ રિએક્શનથી ડઘાઈ ગયો , તેને લાગ્યું પ્રથમવાર આવું થતું હશે તેથી આમ કર્યું હશે તેથી થોડી વાર શાંતિથી તેની સાથે વાત કરી . મંગળાને પોતાના વિશે વાત કરી, બે મહિનામાં બંગલે રહેવા જઈશું એવી વાત કરી અને પછી લાગ્યું કે મંગળા શાંત થઇ ગઈ છે, નજીક જઇ ચુંબન કરવાનો પ્રયત્ન કર્યો ફરીવાર મંગળાએ તેને ધક્કો મારી દીધો અને બોલી પ્લીઝ, મારી સાથે આવું કઈ કરશો નહિ . સુયશ ભયંકર ગુસ્સે થઇ ગયો પણ નાનીશી ચાલીમાં રહેતો હોવાથી ચુપચાપ પડખું ફેરવીને સુઈ ગયો . મંગળાને મોડે સુધી ઊંઘ ન આવી તે ક્યાંય સુધી આમ બેસી રહી.


   મંગળા સવારે વહેલી ઉઠી ગઈ અને બે મિનિટ શૂન્ય નજરે ઘરને જોઈ રહી પછી તેને યાદ આવ્યું કે તેના લગ્ન થઇ ગયા છે અને તે વડોદરાની એક ચાલીમાં છે . તે થોડીવારમાં નહાઈ ધોઈને કામે વળગી . થોડીવારમાંજ ઘર તેણે ચોખ્ખુ ચણાક કરી દીધું અને જેવો સુયશ ઉઠ્યો તેણે ચા ધરી . સુયશ તેને જોઈ રહ્યો . સુયશ ને ખબર પડતી નહોતી કે શું કરવું . ગઈકાલ રાતની ઘટના તેના મનમાં ઘુમરાઈ રહી હતી . તેણે મંગળાના હાથમાંથી ચા લઇ લીધી અને અને તેને પ્રેમથી પોતાની બાજુમાં બેસાડી અને પૂછ્યું શું થયું હતું ગઈકાલે રાત્રે ? મંગળાએ કહ્યું ગઈકાલ રાત માટે સૉરી પણ મને ખબર નહિ કેમ તે બધું ન ગમ્યું. સુયશે કહ્યું વાંધો નહિ આમેય મારી ઈચ્છા ઓછી હતી, આવડી ચાલીવાળા ઘરમાં સુહાગરાત કરવાની. આપણે આજે રાત્રે આબુ જઈ રહ્યા છીએ ત્યાંજ આપણું હનીમૂન કરશું . સુયશના બહાર ગયા પછી નિમીભાભી ઘરમાં આવ્યા અને મજાકમસ્તી કરવા લાગ્યા . મંગળા ગઈકાલ રાત થી ટેંશનમાં હતી પણ નિમીભાભીને લીધે તેનો મૂળ સુધરી ગયો . જે પ્રેમ પોતાનાઓ ને આંખમાં કે વર્તન માં દેખાવો જોઈતો હતો તે પારકાઓની આંખમાં ડોકાઈ રહ્યો હતો. તેણે નિમીભાભીને પોતાના વિશે બધી વાત કરી , આ બધું સાંભળીને તે ખિન્ન થઇ ગયા તેમણે કહ્યું કે સગા માં બાપ આવું કેવી રીતે કરી શકે ? અને જો તમે ખરેખર અપશકુની હોત તો તમારા પિતાની પડતી થઇ હોત અથવા કોઈ મોટી દુર્ઘટના થઇ હોત અને હું તો મનુ છું કે જેના નસીબ માં જે હોય તેને તેજ મળે છે એમાં કોઈ બીજાને જિમ્મેદાર ઠેરવવું તે ખોટું છે .


          બીજે દિવસે સવારે તેઓ આબુ પહોંચી ગયા હતા, ત્યાં એક મોટી હોટેલમાં તેમનું બુકિંગ હતું. દિવસે તેઓ ફરવા ગયા . દિવસે મંગળા સારા મૂડ માં હતી પણ રાત્રે જેવો સુયશ તેની નજીક ગયો તેણે સુયશ ને ધક્કો મારી દીધો . હવે સુયશ ગુસ્સામાં હતો તે ઝડપથી બહાર ગયો અને અટેન્ડરને બોલાવીને કહ્યું કે ઘેનની દવા લઇ આવે . અટેન્ડરે કહ્યું કે ૧૦૦૦ રૂપિયા થશે . સુયશે ૫૦૦ ની ચાર નોટ પકડાવી અને કહ્યું કે કોઈને ખબર ન પડવી જોઈએ કે મેં મંગાવી હતી . થોડીવારમાં અટેન્ડર દવા લઇ પાછો આવ્યો એટલે તેને કહ્યું કે દૂધના ગ્લાસ માં એક ગોળી નાખીને લાવ. પોતે બહાર થોડી બિયર પી લીધી હતી . થોડીવારમાં સુયશ દૂધનો ગ્લાસ જાતે હાથમાં લઈને અંદર આવ્યો અને કહ્યું કે મંગળા કેશરવાળું દૂધ લઈને આવ્યો છું અહીંની સ્પેશ્યાલિટી છે . મંગળાએ કહ્યું પોતાના માટે ન લાવ્યા એટલે સુયશે કહ્યું હું બીજી સ્પેશ્યાલિટીવાળી વસ્તુ પીને આવ્યો છું એક કહીને હસવા લાગ્યો. તે સમજી ગઈ કે સુયશ બિયર પીને આવ્યો છે પણ તેણે ઘણીવાર પોતાના પિતાને પણ બિયર પીધેલા જોયા હતા તેથી કઈ બોલી નહિ અને ચુપચાપ દૂધ પી લીધું . સુયશને ખબર હતી કે દવાની અસર ૧૫ મિનિટ પછી થશે એટલે તે નાહવા ગયો અને જયારે નહાઈને બહાર આવ્યો ત્યારે જોયું કે મંગળા ઘસઘસાટ સુઈ રહી હતી . સુયશે તેણે હલાવી જોઈ પણ કોઈ પ્રતિભાવ ન હતો . સુયશને હતું કે થોડી ઘેન માં આવશે એટલે અડવા દેશે પણ આ તો સુઈ ગઈ તેથી ફરી બહાર નીકળ્યો અને બિયારબાર તરફ વાળ્યો . થોડી વધુ બિયર પીને રૂમ માં આવ્યો અને પછી તેણે મંગળાના બધા કપડાં કાઢી નાખ્યા ને તેના દેહ સાથે રમવા લાગ્યો .


       સવારે ઉઠ્યો ત્યારે જોયું કે મંગળા બાથરૂમ માં હતી . સુયશને યાદ ન હતું કે રાત્રે તેણે શું શું કર્યું હતું . મંગળા જયારે બહાર આવી ત્યારે તેની આંખમાં આંસુ હતા . સુયશે કહ્યું રાત્રે જો મેં કોઈ ભૂલ કરી હોય તો મને માફ કરી દેજે કદાચ બિયરના નશામાં કર્યું હશે. સુયશે કહ્યું કે આજ પછી તારી રજામંદી વગર તને હાથ નહિ લગાડું . દિવસે તેઓ ફર્યા પછી સુયશે મંગળાને આરામ કરવાનું કહ્યું અને કહ્યું કે હું થોડીવારમાં આવું છું. બહાર આવ્યા પછી એક બિયારબારમાં બેઠો અને વિચારવા લાગ્યો ,સારું થયું માફી માંગી લીધી, જો તેણે પોતાના પિતાને ફરિયાદ કરી હોત તો હાથમાં આવેલી દોલત નીકળી જાત. અને હુંય શું મારે તો પૈસાથી મતલબ છે અને પૈસા હશે તો શરીર તો ઘણા બધા મળી જશે અને આ તો ઠંડી કઠપૂતળી છે એમાં મજા નથી . તેણે એક વેઈટર ને બોલાવ્યો અને કહ્યું કે અહીં આઈટમ ક્યાં મળશે? વેઈટરે કહ્યું પૈસા ખર્ચવાની તૈયારી હોય તો બતાવું . સુયશે કહ્યું પણ માલ કડક હોવો જોઈએ અને વેઈટરે એક વૉટ્સએપ નંબર સુયશને આપ્યો અને કહ્યું મારુ કમિશન ? સુયશે કહ્યું કે પહેલા જગ્યા તો દેખાડ . વેઈટરે કહ્યું કે તમારો નંબર આપી દીધો છે હમણાં તમારા વૉટ્સએપ પર એડ્રેસ અને લોકેશન મળી જશે અને ફોટો પણ જેથી કન્ફ્યુઝન ન થાય,એક કહીને હાથ આગળ ધર્યો . સુયશે હસીને ૫૦૦ ની નોટ તેના હાથમાં મૂકી અને બહાર નીકળ્યો .

 

અમંગળા ભાગ ૩


   બે ત્રણ મહિના પછી ચાલી છોડીને મંગળા અને સુયશ બંગલે રહેવા ગયા . ત્યાં સુધીમાં સુયશ પણ નોકરી છોડીને એક કંપનીમાં ડાયરેક્ટર તરીકે જોડાઈ ગયો હતો . સુયશ હવે હાઈ સોસાયટીમાં સામેલ થઇ ગયો હતો અને તે તેનો આનંદ માણી રહ્યો હતો. તે મંગળાને સારી રીતે રાખતો હતો પણ ધીમે ધીમે મંગળા કુંઠિત થઇ રહી હતી તેમાં કારણભુત સુયશનું ઉપરછલ્લું વર્તન ઉપરાંત મંગળનો અપરાધબોધ. તે બંગલામાં રહેવા ગઈ હતી છતાં કોઈ પણ જાતનો શૃંગાર કરતી નહિ . જેમ કાચબો પોતાના અંગો સમેટી લે તેમ તેણે પોતાને એક કોચલામાં પુરી દીધી હતી .જયારે સુયશ કંપનીની મિટિંગો હાઈ સોસાયટીની પાર્ટીઓમાં વ્યસ્ત હતો . શરૂઆતમાં તે મંગળાને પાર્ટીમાં આવવાનો આગ્રહ કરતો અને શરૂઆતમાં તે ગઈ પણ મંગળાને તે ક્લચર માફક ન આવ્યું એટલે તેણે પાર્ટીઓમાં જવાનું બંધ કર્યું . તેનું સ્થાન હવે સુયશ ની સેક્રેટરી સુરભીએ લઇ લીધું હતું . તે પણ મિડલક્લાસ ફેમિલીમાં મોટી થઇ હતી પણ તે હાઈ સોસાયટીના ક્લચરથી આકર્ષિત હતી અને તેને સુયશ રૂપે પ્રવેશદ્વાર મળી ગયું હતું . જયારે આ બધાથી દૂર મંગળા દર થોડા દિવસે ચાલીમાં જઈને નિમીભાભી અને બાકી મહિલામંડળ ને મળતી .


     એક વખત એવું બન્યું કે તે ચાલીમાંથી નીકળીને રીક્ષા પકડવા જઈ રહી હતી ત્યારે કોઈએ પાછળથી અવાજ આપીને રોકી. તેણે પાછળ વાળીને જોયું તો તેના હૃદય ના ધબકારા વધી ગયા . તેને પાછળથી અવાજ આપનાર જીતેન હતો . જીતેન નાનપણથી તેની સાથે ભણ્યો હતો અને તે જીતેનને પસંદ કરતી હતી પણ જીતેન પણ બાકી લોકોની જેમ અવોઇડ કરતો. તેણે મંગળાને નજીક આવીને પૂછ્યું અરે મંગળા તું અહીં કેવી રીતે ? મંગળાએ કહ્યું હું તો વડોદરામાંજ રાહુ છું પણ તું અહીં કેવી રીતે ? જીતેને કહ્યું કે હમણાંજ વડોદરામાં શિફ્ટ થયો છું . અહીં એક સારી કંપનીમાં નોકરી મળી છે . ચાલ સારું થયું તું મળી ગઈ બહારગામ જાઓ અને કોઈ ઓળખીતું મળે તેનો આનંદ જ કઈ ઓર હોય છે . એક કામ કરીયે નજીકમાં એક સારી રેસ્ટોરન્ટ છે ત્યાં જઈને ચા પીતા પીતા વાત કરીયે. મંગળા હજુ અવઢવ માં હતી કે સ્કુલમાં માંડ કોઈ દિવસ વાત કરી હશે છતાં તેણે કહ્યું ઠીક છે ચાલ . બંને રેસ્ટોરન્ટમાં ગયા અને જીતેને બંને માટે કોફી ઓર્ડર કરી અને કહ્યું મંગળા તું વિચારતી હોઈશ કે સ્કુલમાં તારી સાથે વધારે વાત ન કરનાર આજે કેમ આટલી બધી વાત કરી રહ્યો છે, તો તને કહી દઉં કે સ્કુલ ટાઈમમાં પણ હું તને પસંદ કરતો હતો પણ મારી મોટી બહેને તારી સાથે દોસ્તી કરવાની ના પડી હતી, તેથી હું તારાથી દૂર રહેતો અને વાત નહોતો કરતો અને જે એક બે વખત આપણે વાત કરી છે તેના માટે પણ મેં માર ખાધો હતો . બધા તને અપશકુની માનતા પણ મેં કદી એવું નહોતું વિચાર્યું ઉલ્ટાનું સ્કૂલમાં આવ્યા પછી જો સૌથી પહેલા તને જોઈ હોય તો મારો દિવસ સારો જતો અને મને તારી આંખો ખુબ ગમતી . તારી આંખો ખુબ આકર્ષક છે અને વાળ પણ .


અજાણતામાં મંગળનો હાથ પોતાના વાળ પર ગયો . પછી જીતેનને થયું કે એક્સાઇમેન્ટમાં વધુ બોલી ગયો એટલે તેણે તરત જોડ્યું કે આ સ્કુલ ટાઈમની વાત છે, આઈ હોપ તને ખોટું નહિ લાગ્યું હોય . મંગળાએ કહ્યું ના ના કોઈ વાંધો નહિ . જીતેને કહ્યું તું તારા વિશે કહે અહીં ચાલીમાં રહે છે ? મંગળાએ કહ્યું ના હું તો રેસકોર્સ વિસ્તારમાં રહું છું અહીં તો એક પરિચિતને મળવા આવી હતી . પછી મોબાઈલ નંબરની આપલે કરીને તેઓ છુટ્ટા પડ્યા .


         ઘરે પહોંચ્યા પછી મંગળાએ પોતાને અરીસામાં નિહાળી અને હસી પડી . કદાચ કોઈએ પ્રથમવારજ તેની તારીફ કરી હતી. ધીમેથી પોતાના વાળમાં હાથ ફેરવ્યો અને આંખો પટપટાવી . આજે તે ખુબ ખુશ હતી જેને તે પસંદ કરતી હતી તે પણ તેને પસંદ કરતો હતો એની તેને આજેજ ખબર પડી હતી. તે મનોમન કલ્પના કરવા લાગી કે કાશ તેના લગ્ન જીતેન સાથે થયા હોત. તે જીતેન અને સુયશની સરખામણી કરવા લાગી. એટલામાં તેના મોબાઈલમાં નોટિફિકેશનની ટોન વાગી જોયું તો જીતેન નો મેસેજ હતો તેમાં લખ્યું હતું કે મને ખબર છે તારા લગ્ન થઇ ગયા છે, પણ હું મારા મનની વાત કરતા રોકી શક્યો નહિ. જો કઈ ખોટું કહેવાય ગયું હોય તો સોરી ! મંગળાએ જવાબમાં ફક્ત એટલુંજ લખ્યું કે ઇટ્સ ઓકે . તે દિવસ પછી રોજ સવારે અને રોજ રાત્રે જીતેનનો ગુડ મોર્નિંગ અને ગુડ નાઈટ નો મેસેજ આવતો અને કોઈ વખત સારો જોક અને તે પણ સામે મેસેજ મોકલતી અને ચેટ હિસ્ટરી ડીલીટ કરી દેતી . પછી એક દિવસ સવારે તેને જીતેનનો મેસેજ આવ્યો કે આજે સમય હોય તો મને મળીશ ? મંગળાએ સામે પૂછ્યું કે કોઈ ખાસ કારણ ? જીતેને લખ્યું કે કેમ કોઈ ખાસ કારણ વગર ન મળાય ? મંગળાએ લખ્યું ઓકે ઓકે સાંજે મળીયે. પછી સાંજે ૬ વાગ્યા નો સમય નક્કી કરીને જીતેને મળવાની જગ્યાનું એડ્રેસ મોકલ્યું. સાંજે તૈયાર થતી વખતે મંગળાએ અરીસામાં પોતાને નિહાળી અને વાળમાં હાથ ફેરવ્યો.પછી સરસ રીતે તૈયાર થઈને નીકળી આજે તેણે મોરપીંછી રંગની સાડી પહેરી હતી જેમાં તે બહુજ સુંદર લાગી રહી હતી . મંગલ થિયેટર પાર પહોંચી ત્યારે જીતેન તેની રાહ જોઈ રહ્યો હતો . તેને જોઈને જીતેને તરત કહ્યું વોવ આજે તો સ્વર્ગની અપ્સરા જેવી લાગે છે . મંગળાએ કહ્યું થેન્ક્સ , પણ આજે કોઈ ખાસ કારણ ? જીતેને થોડા નમીને કહ્યું કે બંદા નો આજે જન્મ દિવસ છે અને આજની સાંજ હું કોઈ સારી અને પ્રિય વ્યક્તિ સાથે વિતાવવા માંગતો હતો . મંગળાએ કહ્યું પહેલા કહેવું જોઈએને તારા માટે ગિફ્ટ લાવી હોત એનીવે હૅપ્પી બર્થ ડે . તો પ્રોગ્રામ શું છે ? જીતેને કહ્યું પહેલા મુવી પછી ડિનર. મંગળાએ કહ્યું કે એમાં તો મોડું થઇ જશે . જીતેને કહ્યું આખું વરસ તો તારા પતિને આપે છે, એક દિવસ મને આપ અને તેને કહી દે આજે આવવામાં મોડું થશે, અને ૧૦ વાગ્યા પહેલા તો તું પહોંચી જઈશ . મંગળાએ સુયશને ફોન જોડ્યો અને કહ્યું કે આજે મને ઘરે આવતા મોડું થશે . સુયશે કહ્યું વાંધો નહિ મારે પણ ઓફિસમાં મિટિંગ છે રાત્રે ૧૧ વાગશે એટલે જમીનેજ આવીશ . પછી ટિકિટ લઈને તેઓ પોતાની સીટ પર ગોઠવાયા. મુવી સ્ટાર્ટ થયા પછી એક કપાળ થિયેટર માં દાખલ થયું અને સ્ક્રીન ના આછા ઉજાશ માં મંગલા આગંતુક ને ઓળખી ગઈ તે સુયશ અને તેની સેક્રેટરી સુરભી હતા. મંગળાએ જીતેનના કાનમાં કહ્યું બહાર જઇયે અને તે ઉભી થઈને બહાર નીકળી . બહાર આવ્યા પછી જીતેને કહ્યું કે સારું થયું બહાર આવી ગઈ મને પણ કંટાળો આવવા લાગ્યો હતો .બહાર આવ્યા પછી જીતેને પૂછ્યું કે ક્યાં જઈશું ? મંગળાએ કહ્યું તું લઇ જાય ત્યાં પણ ત્યાં એકાંત હોવું જોઈએ . જીતેને કહ્યું તો પછી મારા ઘરે જઇયે, પણ તું થોડી ડિસ્ટર્બ થઇ ગઈ હોય એવું લાગે છે . તબિયત તો બરાબર છે ને ? મંગળાએ કહ્યું ઠીક છે. થોડું માથું દુખતું હતું તેથી બહાર આવી . મંગળા વિચારવા લાગી કે મિટિંગ નું બહાનું કાઢીને સુયશ અત્યારે થિયેટરમાં કેમ છે, શું દર વખતે તે મોડું કરે છે તે વખતે આવી રીતે બહાર હોય છે અને તેની સેક્ટરેટરી સાથે સંબંધો ફકત મુવી જોવા સુધી સીમિત છે કે પછી આગળ વધી ગયા હશે? શું કરવું તેની તેને ખબર પડતી ન હતી તેનું મગજ બહેર મારી ગયું હતું.


    જીતેનના ઘરે પહોંચ્યા પછી તે હૉલ ના સોફામાં ગોઠવાઈ અને જીતેન કિચન તરફ ગયો . તેણે મંગળને પૂછ્યું તું કોલ્ડ ડ્રિન્ક પીશ. મંગળાએ હા કહ્યું એટલે તેણે ફ્રીજમાંથી એક કોલ્ડ ડ્રિન્કની બોટલ કાઢી અને બે ગ્લાસ ભર્યા અને મંગળના ગ્લાસ માં ગોળી નાખી દીધી . કોલ્ડ ડ્રિન્કનો ગ્લાસ મંગળા એક શ્વાસમાં ગટગટાવી ગઈ . થોડીવાર પછી તે રડવા લાગી અને કહેવા લાગી તને ખબર છે હું થિયેટરમાંથી બહાર કેમ આવી ? ત્યાં મારો પતિ તેની સેક્રેટરી સાથે આવ્યો હતો . જીતેને પૂછ્યું પણ તેણે તો તને મિટિંગ છે એવું કહ્યું હતું ને ? પણ મંગળાએ જાણે તેનો પ્રશ્ન જ સાંભળ્યો ન હોય તેમ કહી રહી હતી . મને મિટિંગ નું કહીને ખબર નહિ તે ક્યાં ક્યાં ફરતો હશે ! અને તેમના સંબંધો ક્યાં સુધી પહોંચ્યા હશે શું ખબર ? અને તેમાં સુયશ નો પણ દોષ નથી આજ સુધી હું તેને શૈયાસુખ આપી શકી નથી તો તે પણ શું કરે . મંગળા નશામાં હોય તેમ બોલી રહી હતી અને મને કોઈ પુરુષ નો સ્પર્શ પસંદ નથી તેમાં મારો પણ દોષ નથી . જીતેન તેની તરફ એકીટશે જોઈ રહ્યો હતો . મંગળાએ કહ્યું બધો દોષ મારા નરાધમ મામાનો છે .


અમંગળા ભાગ ૪

( અમુક વાર્તાઓ લખતા હાથ ધ્રુજી જતા હોય છે આ વાર્તા કંઈક એવાજ પ્રકારની છે , આ વાર્તામાં અમુક ભાગ રસરુચિ ભંગ કરનારો હોઈ શકે પણ વાર્તાનો ભાગ હોવાથી લખવો પડ્યો છે જો કોઈ ભૂલ થતી હોય તો તે માટે પહેલાથી ક્ષમા માંગુ છું. )

 

   આંખમાં આંસુ સાથે મંગળા કહી રહી હતી. મારો મામો તો કંસ કરતા પણ ખરાબ હતો તેણે મારુ જીવન બરબાદ કરી નાખ્યું . આજે નશામાં મંગળા ના મનનો બાંધ તૂટી ગયો હતો તે તેની બધી વ્યથા જીતેન આગળ ઠાલવી રહી હતી . તને ખબર છે ઘરમાં બધા મને શું કહીને બોલાવતા અમંગળા. સગી જનેતા પણ મને પ્રેમ નહોતી કરતી એવામાં મારા મામા મારા માટે ચોકલેટ લાવતા અને મને વહાલ કરતા તેથી તે મને ગમતા. તે મને ખોળામાં બેસાડીને પપ્પીઓ કરતા અને કહેતા કે મારી મંગળા તો દહીં છે જો કે આ બધું મારી મમ્મીની ગેરહાજરી માં કરતા . જયારે જયારે ઘરમાં કોઈ ન હોય ત્યારે તે મને બાથમાં ભરી લેતા અને વહાલ કરતા . પછી હું મોટી થઇ તેમ મને તેમનો સ્પર્શ અખડવા લાગ્યો પણ તેઓ એક માત્ર વ્યક્તિ હતા જે મારી સાથે સારી રીતે વાત કરતા . હું દશ વર્ષની થઇ તે વખતે બધા મને ઘરે મૂકીને ગયા હતા તે વખતે મારા મામા આવ્યા અને મને ચોકલેટ આપી અને વહાલ કર્યું પછી મમ્મી પપ્પા માટે પૂછ્યું તો મેં કહયું કે બધા બહાર ગયા છે તો તેમની આંખોમાં ચમક આવી . તેમણે પાણી મંગાવીને બાટલીમાંથી કંઈક ભેળવ્યું જે મને પાછળથી ખબર પડી કે દારૂ હતો . તેમણે પોતે પણ પીધો અને મને પણ થોડો પાયો . પછી મારા બધા કપડાં જબરદસ્તીથી કાઢીને મને બાથમાં લીધી પછી તેમણે જે નીચતા બતાવી તેમાં મારે નીચેથી ખુબ લોહી વહ્યું હતું .તેમણે એવું એક વાર નહિ ચાર પાંચ વાર કર્યું અને દર વખતે મને ધમકી આપતા કે કોઈને કઈ કહીશ તો મને મારી નાખશે , હવે તુજ મને કહે કે જે છોકરીનો નાનપણમાં આવો ભયંકર બળાત્કાર થયો હોય તે કોઈ પુરુષનો સ્પર્શ કઈ રીતે ખમી શકે . તેની આંખમાંથી આંસુની ધારાઓ વહી રહી હતી . જીતેને કહ્યું કે બહુ ભયંકર કૃત્ય કર્યું છે તારા મામાએ પણ તેની સજા તું પોતાને કેમ આપી રહી છે અને તે વખતે તારી મમ્મીને કહ્યું કેમ નહિ? મંગળાએ કહ્યું કે કેવી રીતે કહેત મારી માં તો મને નફરત કરતી અને અને હંમેશા મને મારવા માટે તત્પર રહેતી હતી . જીતેને તેના વાળમાં આંગળીઓ ફેરવતા કહ્યું કે તારે મજબૂત થવું જોઈએ. એક દર્દ સાથે તું કેવી રીતે જીવન વીતાવીશ . મંગળાએ પોતાનું માથું જીતેનના ખભા પાર મૂક્યું અને ક્યાંય સુધી રડતી રહી અને પછી બેહોશ થઇ ગઈ .

             સવારે ઉઠી ત્યારે તેનું માથું ભારે લાગી રહ્યું હતું . રાત્રે શું થયું હતું તેની તેણે યાદ ન હતી . થોડી વાર માં બેડરૂમમાં જીતેન ચા લઈને દાખલ થયો . મંગળાએ જીતેનને પૂછ્યું રાત્રે શું થયું હતું . જીતેને કહ્યું કઈ નહોતું થયું તું ખુબ રડી અને રડતા રડતા બેહોશ થઇ ગઈ એટલે હું તને અહીં સુવડાવીને બહાર સોફા પર સૂઈ ગયો . જીતેને કહ્યું કે ઠીક છે હું તને પ્રેમ કરતો હતો પણ હવે તું મારા માટે પરસ્ત્રી કહેવાય અને હું તારા મામા જેટલો નીચ નથી . મામાનું નામ સાંભળીને મંગળના પગ નીચેથી ધરતી ખસી ગઈ. જીતેને કહ્યું કે ડર નહિ મંગળા આમાં તું દોષિત નથી સમાજમાં ઘણા બધા ભૂખ્યા વરુઓ હોય છે જે તારા જેવી ઘભરુઓનું જીવન બરબાદ કરી નાખે છે . હવે તારે મજબૂત થવાની જરૂર છે એમ કહીને તેના કપાળ પર ચુંબન અંકિત કર્યું અને કહ્યું હું તારો મિત્ર છું અને હંમેશા તારી પડખે ઉભો રહીશ . મારો પ્રેમ પવિત્ર છે અને તેમાં વાસનાને કોઈ સ્થાન નથી . તે થયું તેમાં તારો કોઈ દોષ નથી. પણ આપણને જે મળ્યું સમાજને તેજ પાછું એવું એવો તો કોઈ નિયમ નથી . મંગળા વિચારવા લાગી કે જીતેનના વિચારોમાં કેટલું ઊંડાણ છે . તેણે અજાણતામાં જીતેનને હોઠ ઉપર ચુંબન આપી દીધું અને તેના બાહુપાશમાં સમાઈ ગઈ . થોડી વાર પછી બંને બેડ ઉપરથી ઉઠ્યા ત્યારે મંગળના ચેહરા પર સંતોષ હતો પછી મન ભરીને નાહીને ઘરે જવા નીકળી . તે પહોંચી ત્યારે સુયશ ઓફિસ જવા નીકળી ગયો હતો. ઘરે આવીને તે વિચારવા લાગી કે શું પોતે કર્યું તે યોગ્ય છે ? આજે પ્રથમ વારજ પોતાની મરજીથી સહશયન કર્યું હતું . પછી પોતાના મનને ટપાર્યું કે સુયશે પણ તેની સેક્રેટરી સાથે સંબંધ બાંધ્યો હશે અને હું કોઈની સાથે સંબંધ બંધુ તો તેમાં ખોટું શું છે ? અને બધા અધિકારો ફક્ત પુરુષોનેજ છે શું સ્ત્રી છું એટલે બંધનમાં રહેવાનું ? આજે પ્રથમાંજ કોઈના બાહુપાશમાં બાંધવાનું ગમ્યું હતું . જીતેનની આગોશમાં જે ઉષ્મા હતી તે ક્યારેય સુયશમાં કદી ન દેખાઈ અને તેના વિચારોમાં કેટલું ઊંડાણ છે . સુયશ ફક્ત ભૌતિક સુખસાધનો મેળવવામાં અને ભોગવવામાં વ્યસ્ત છે હવે હું પણ ખુલીને જીવીશ.


   હવે મંગલ ખરા અર્થમાં ખુલીને જીવી રહી હતી. તે પોતાના સાજશૃંગાર તરફ ધ્યાન આપી રહી હતી. તે અઠવાડિયામાં જીતેનને બે ત્રણ વખત મળતી કોઈ વખત મુવી તો કોઈ વખત નાટક જોવા જતી . એક વખત બપોરના શોમાં મુવી જોઈને નીકળી અને જીતેનથી છુટ્ટી પડી તે વખતે તેને નિમીભાભીના પાડોશમાં રહેતી સરલા મળી . તેણે મળતા સાથેજ પૂછ્યું કે હમણાં તમારી સાથે હતો તે જીતેન હતોને ? મંગળાએ કહ્યું હા જીતેન હતો તું તેને ઓળખે છે ? સરલાએ કહ્યું એ મારો દૂરનો સગો થાય પણ તમે તેને કેવી રીતે ઓળખો છો ? મંગળાએ કહ્યું કે અમે સ્કૂલમાં સાથે ભણતા હતા બહુ સારો છે. સરલાએ કહ્યું કે સ્કુલ માં કદાચ સારો હશે પણ અમારા પુરા પરિવારમાં કોઈ તેને બોલાવતું નથી બહુજ બદમાશ છે .

 

અમંગળા ભાગ ૫

 

 સરલા કહી રહી હતી કદાચ સ્કૂલમાં સારો હશે પણ કોલેજ માં ગયા પછી બગડી ગયો એક નંબર નો નશાબાજ અને લુચ્ચો માણસ છે . તે દેખાવડો હોવાથી સીધીસાદી છોકરીઓને ફસાવે છે અને પછી તેમના વિડિઓ બનાવીને માર્કેટમાં વેચે છે . એની પહેલા સુરતમાં નોકરી કરતો હતો પણ એક વખત પોલ ખુલતા ખુબ માર ખાધો અને માંડ માંડ છૂટ્યો અને અહીં આવી ગયો . એટલે ખુબ મીઠી મીઠી વાત કરતો હોય તો પણ તેની વાતોથી ભરમાવું નહિ અને તમે પણ તેની કોઈ વાત પર વિશ્વાસ ન કરતા . મંગળાએ કહ્યું ના ના અહીં મને રસ્તામાં મળી ગયો એટલે વાત કરવા ઉભી રહી . સરલાએ કહ્યું તો સારું અને હમણાંથી ચાલીમાં આવ્યા નથી . મંગળાએ કહ્યું કે હમણાંથી સમય નથી મળતો પણ ચોક્કસ આવીશ . સરલા બીજી દિશામાં નીકળી ગઈ. મંગળા તેની સામે તો સામાન્ય દેખાવાનો પ્રયત્ન કરી રહી હતી પણ તેના પગ નીચેથી ધરતી ખસી ગઈ હતી એવી વ્યક્તિ જેના માટે પ્રેમ અનુભવવા લાગી હતી તે આવો બદમાશ હશે તેની તેને કલ્પના ન હતી . શું તેણે પણ મારો ઉપયોગ જ કર્યો છે . પછી તેનું બીજું મન કહેવા લાગ્યું કે ના કોઈની વાત પર એટલી આસાનીથી વિશ્વાસ કેવી રીતે કરી લેવાય શક્ય છે આ બધું ખોટું હોય અને તેણે કોઈ સાબિતી પણ ક્યાં આપી છે. છતાં તેની વાત ની સત્યતા ને તપાસવી પડશે. તેણે યાદ આવ્યું કે જીતેનના બેડરૂમ માં એક કોમ્પ્યુટર હતું તે ચેક કરું તો ખબર પડે . છતાં મંગળાના મનને એક પ્રકારની ઉદાસી ઘેરી વળી. તે સુયશને ડિવોર્સ આપીને જીતેન સાથે લગ્ન કરવાનું વિચારી રહી હતી. ભગવાન કરે અને સરલાએ કહ્યું એ બધું ખોટું નીકળે અને કાલેજ જીતેનના ઘરે જવાનું છે એટલે તેની ખાતરી પણ કરી લઈશ . આખી રાત તેણે પડખા ઘસીને વિતાવી . બીજા દિવસની સવાર તેણે ઘરકામ માં વિતાવી અને બપોરે ઘરનોકરને કહ્યું કે ચાલીમાં જાઉં છું એમ કહીને જીતેનના ઘરે પહોંચી ગઈ . થોડી આડીઅવળી વાત કરીને મંગળાએ પૂછ્યું આજે કામ પર ન ગયો . તેણે કહ્યું આજે તું આવવાની હતી તેથી નથી ગયો પણ આજે કેમ એવું પૂછ્યું ? મંગળાએ કહ્યું આ તો અમસ્તુજ . થોડીવાર પછી તેઓ બેડરૂમ માં હતા અને અડધો કલાક પછી બંને સુઈ ગયા . મંગળાએ થોડી આંખ ખોલીને જોયું કે જીતેન સુઈ ગયો છે એટલે તેના પી સી પાસે ગઈ અને ઓન કર્યું અને જુદા જુદા ફોલ્ડર ચેક કરવા લાગી . એક વિડિઓ વાળું ફોલ્ડર તેણે મળ્યું અને તે જોઈને તેની આંખો ફાટી ગઈ .જુદી જુદી છોકરીઓના જીતેન સાથેના વિડિઓ હતા જેમાં જીતેનની ફક્ત પીઠ દેખાતી હતી . તેમાં એક વિડિઓ તેનો પણ હતો તેનું માથું ભમવા લાગ્યું . પાછળથી જીતેનનો અવાજ આવ્યો તેણે કહ્યું ચક્કર આવતા હશે જાનેમન પાણી પી લે, એમ કહીને હસવા લાગ્યો. સામાન્ય રીતે વહાલો લાગનારો જીતેન આજે શયતાન જેવો લાગી રહ્યો હતો . મંગળાએ કહ્યું આ બધું શા માટે કર્યું હું તો તને પ્રેમ કરતી હતી અને મારા પતિને ડાઇવોર્સ આપીને તારી સાથે લગ્ન કરવા માંગતી હતી અને તું એવો નીકળ્યો . જીતેને હસીને કહ્યું કે આબધી છોકરીઓ પણ મને પ્રેમ કરતી હતી અને લગ્ન કરવા માંગતી હતી . મંગળાએ ક્રોધમાં કહ્યું કે હું તને છોડીશ નહિ તારી કંપ્લેઇન્ટ પોલીસમાં કરીશ . જીતેને કહ્યું શોખથી કર અને આગળ બદનામી માટે તૈયાર રહે મેં તારા પર બળાત્કાર કર્યો નથી જે થયું તેમાં તારી સહમતી હતી , અને પોલીસ પણ મને વધારે સમય અંદર નહિ રાખી શકે અને પછી હું બીજા શહેરમાં જતો રહીશ પણ તું ક્યાં જઈશ . પહેલાથીજ અમંગળા અને અપશકુની નામથી પ્રખ્યાત તારા નામ માં બીજું નામ જોડાઈ જશે કુલટા. તેનું હાસ્ય મંગળના કાનમાં પારા ની જેમ રેડાઈ રહ્યું હતું . હવે જો તારે બદનામીથી બચવું હોય તો એક માર્ગ છે મને ૧૦ લાખ આપ હું તારી બધી વિડિઓ કલીપ ડીલીટ કરી દઈશ . મંગળાએ કહ્યું કે તે મારી સાથે દગો કર્યો તે કેવી રીતે ડીલીટ કરીશ . જીતેને કહ્યું જે થયું તે આપસી સહમતીથી થયું મેં તને મજબુર નહોતી કરી હવે તું અહીંથી નીકળ તારી પાસે બે દિવસ નો સમય છે નહિ તો ત્રીજા દિવસે માર્કેટમાં તારી ક્લિપો ફરતી હશે અને અહીં રડીને તમાશો કરવાની જરૂર નથી . મંગળાને શું કરવું તેની સૂઝ પડતી ન હતી તે જીતેનના પી સી તરફ વળી તો જીતેને તેને અટકાવીને હૉલ તરફ ધકેલી અને કહ્યું પહેલા પૈસા ડાર્લિંગ . અને આ પી સી સિવાય પણ ઘણી જગ્યાએ ક્લિપો પડી છે .

      મંગળા પાસે ચુપચાપ ત્યાંથી નીકળવા સિવાય કોઈ માર્ગ નહોતો તે ઘરે પહોંચી તો સુયશ ઘરેજ હતો . તે ઓફિસેથી વહેલો આવી ગયો હતો . તેણે પૂછ્યું ક્યાં ગઈ હતી ? મંગળાએ કહ્યું કે નિમીભાભી પાસે ગઈ હતી અને ચુપચાપ પોતાની રૂમ માં ગઈ તેને ખબર પડતી ન હતી કે શું કરવું ? ૧૦ લાખ રૂપિયા તો બહુ મોટી રકમ કહેવાય . સુયશ ને કેવી રીતે કહેવું કે આટલી મોટી રકમ જોઈએ છે .


   એટલામાં તેની રૂમ નો દરવાજો ધડામ ની અવાજ સાથે ખુલ્યો સામે લાલઘૂમ નેત્રોથી તેને જોઈ રહ્યો હતો તેણે મંગળના વાળ પકડીને તેની ગરદન ઊંચી કરી અને ત્રાડ પાડીને પૂછ્યું બોલ ક્યાં ગઈ હતી અત્યારે ? મંગળાએ મક્કમતાથી કહ્યું નિમીભાભી પાસે ગઈ હતી. સુયશે પોતાનો મોબાઈલ તેની આંખ સામે ધર્યો અને પૂછ્યું આ છે તારી નિમીભાભી ? મોબાઈલ માં તેનો અને જીતેનનો વિડિઓ ચાલુ હતો . સુયશ કહી રહ્યો હતો મારી પાસે તો બહુ નાટક કરી રહી હતી અને અહીં શું કરી રહી છે . જો શરીરમાં એટલી ગરમી હતી તો હું ક્યાં નહોતો ? સુયશ નું આ રૂપ જોઈને મંગળા ધ્રુજી ઉઠી .


            કોઈએ મને આ કલીપ મોકલી છે અને તે ડીલીટ કરવાના ૨૦ લાખ માંગે છે પણ કાન ખોલીને સાંભળી લે હું કોઈને એક રૂપિયો પણ આપવાનો નથી અને તું અત્યારેજ મારા ઘરમાંથી બહાર નીકળ. મંગળા રડવા લાગી તેણે કહ્યું આ મારી સાથે ભણતો હતો અને તેની લાગણીમાં હું છેતરાઈ ગઈ મને માફ કરી દો. સુયશે કહ્યું આવી ભૂલ માટે કોઈ માફી નથી હોતી અને હવે મારા જીવન માં તારું કોઈ સ્થાન નથી અને તું અહીંથી ચાલતી પકડ પછી તેને વાળ પકડીને ઉભી કરી અને બહાર લઇ આવ્યો . મંગળા રડીરડીને વિનવવાની કોશિશ કરતી રહી પણ સુયશના શરીરમાં જાણે કોઈએ પ્રવેશ કર્યો હોય તેમ તેને ખેંચીને બહાર લઇ આવ્યો અને દરવાજામાંથી બહાર ફંગોળી દીધી અને દરવાજો ધડામ અવાજ સાથે બંધ કર્યો . મંગળા થોડી વાર ત્યાં ઉભી ઉભી રડતી રહી પછી તે ગેટ ની બહાર નીકળી. હવે તેના માટે કોઈ રસ્તો બચ્યો ન હતો સિવાય કે આત્મહત્યા. તે બંગલાના રસ્તાના વળાંક પર પહોંચી ત્યાં જ એક રીક્ષા આવીને ઉભી રહી .

 

અમંગળા ભાગ ૬

 

 રિક્ષામાંથી નિમીભાભી ઉતર્યા અને મંગળાને પૂછ્યું શું થયું પણ મંગળા પાસે હીબકા સિવાય કોઈ જવાબ નહોતો તેથી તેમણે મંગળાને બાથમાં લઇ સાંત્વના આપી અને કહ્યું રિક્ષામાં બેસ આપણે પછી વાત કરીશું . ચાલીમાં પહોંચ્યા પછી તેને રિક્ષમાંથી ઉતારીને પોતાના ઘરે લઇ ગયા અને પાણી પાયું અને પૂછ્યું કે શું થયું તો મંગળા ઢળી પડી. તેમણે મંગળાના કપાળે હાથ અડાડ્યો તો તેનું શરીર તાવથી ધગધગી રહ્યું હતું એટલે તેમણે મીઠાના પાણીના પોતા મુકવાનું શરુ કર્યું અને ડૉક્ટરને બોલાવ્યા . ડૉક્ટરે તપાસીને કહ્યું કે સાધારણ તાવ છે ઇન્જેક્શન અપ્પુ છું એટલે કલાક બે કલાક માં તાવ ઉતરી જશે . છતાં તાવ તરત ન ઉતર્યો અડધી રાત સુધી નિમીભાભી જાગતા રહ્યા અને પછી મંગળાના પલંગ પાસે ખુરસી માં સુઈ ગયા .


     વહેલી સવારે કોઈ અવાજ સાથે તેમની આંખ ખુલી તો મંગળા પંખા સાથે લટકી રહી હતી અને તડફડિયા મારી રહી હતી . તેમણે તરત મંગળાને પકડી લીધી અને તેમના પતિ રસિક્ભાઈને બૂમ મારીને બોલાવ્યા અને તેમણે મળીને મંગળાને ઉતારી અને તેને પલંગ પર સુવડાવી. મંગળા બેભાન થઇ ગઈ હતી . રસિકભાઈ તરત ડૉક્ટરને બોલાવવા નીકળી ગયા . ડૉક્ટરે આવીને જોયું અને કહ્યું કે ફક્ત બેભાન છે પણ હવે કોઈએ તેની સાથે રહેવું પડશે જેથી તે એવો કોઈ પ્રયત્ન ન કરે . ૬ કલાકે જયારે ભાન માં આવી ત્યારે મંગળા જડ થઇ ચુકી હતી ફક્ત શૂન્ય નજરે બધાને નિહાળી રહી હતી . તેના ચેહરા પર કોઈ જાતના હાવભાવ ન હતા ન તો તે કોઈની સાથે વાત કરી રહી હતી . નિમીભાભીએ તેની સાથે વાત કરવાનો પ્રયત્ન કર્યો , સરલા અને બીજા પાડોશીઓએ પ્રયત્ન કર્યો પણ બધું વ્યર્થ જડમૂર્તિ બનેલી મંગળા કઈ બોલતી નહોતી . ડોક્ટર તેને જોવા રોજ આવતા હતા તેમણે કહ્યું કોઈ ભયંકર આઘાતને લીધે તેનું નર્વસ બ્રેકડાઉન થઇ ગયું છે આવામાં કદાચ તે થોડું રડી લે તો પણ તેનું દુઃખ હળવું થાય અને તે સામાન્ય થઇ શકે . આવા કેસ માં કોઈ મનોચિકિત્સક તેની કોઈ મદદ કરી શકે . રસિકભાઇએ સુયશને મળીને તેની સાથે વાત કરવાની કોશિશ કરી પણ સૂયશે તેમનું અપમાન કરીને તેમને કાઢી મુક્યા. સુયશે કહ્યું મરતી હતી તો મરવા દેવી હતી ને બચાવી કેમ હવે સાચવો એને મારો કોઈ સંબંધ નથી તેની સાથે .


        નિરાશ થઈને ઘરે આવ્યા પછી તેમણે આ બધું નિમીભાભી ને કહ્યું તો તેમણે કહ્યું કે નક્કી બંને વચ્ચે કઈ ભયંકર બન્યું છે જેના લીધે સુયશે આવું કર્યું . તે દિવસે સુયશનો ફોન આવ્યો હતો અને જેવી રીતે મંગળા વિષે પૂછપરછ કરી રહ્યો હતો મને લાગ્યું કે કંઈક ભયંકર બનવાનું છે તેથી હું રીક્ષા લઈને તેમના બંગલે જતી હતી પણ ત્યાં નાકા પર જ મંગળા મળી તેથી હું તેને અહીં લઇ આવી. રસિકભાઇએ કહ્યું કે સારું કર્યું તું અહીં લઇ આવી મંગળા આપણી ચાલીની વહુ કહેવાય એટલે તેની મદદ કરવી એ આપણી ફરજ કહેવાય . અર્પણ હવે આપણે શું કરીશું . એક બે મનોચિકિત્સકને હું મળ્યો હતો પણ તેમની ફી આપણા જેવા મધ્યમવર્ગીયને પોસાય એમ નથી તેથી આવતીકાલે એક મિત્ર સાથે નિરાધાર સ્ત્રીઓની મદદ કરતી સંસ્થામાં મળવા જવાનો છું ,જોઈએ શું થાય છે.


     આખી ચાલીને એકજાતની ઉદાસી ઘેરી વળી હતી , આખી ચાલીનું લક્ષ્ય એક જ હતું મંગાળાને બોલતી કરવાનું અને દરેક જાણ પોતાની રીતે પ્રયત્ન કરી રહ્યું હતું .બીજે દિવસે સાંજે રસિકભાઈ નિરાશવદને ઘરે આવ્યા. તેમને કહ્યું કે સંસ્થાવાળા કહે છે કે તેઓ મંગળની ટ્રીટમેન્ટ કરશે પણ જો તે ત્યાં રહેતી હશે તોજ પણ ત્યાંનું વાતાવરણ જોઈને મારુ મન ન માન્યું . બહુજ નિરાશ અને હતાશાજનક વાતાવરણ હતું ત્યાંનું , બધે ગમગીની છવાયેલ હતી . ત્યાં મોકલીએ તો તેની સ્થિતિ સુધારવાને બદલે બગાડી જાય તેમ મને લાગ્યું . એના કરતા આપણે મંગળાના માતાપિતાને વાત કરી જોઈએ તો . નિમીભાભીએ કહ્યું કે એની કોઈ જરૂર નથી જે માતાપિતાએ કોઈ જૂનું કપડું હોય તેમ ઉતારીને ફેંકી દીધી અને આજ સુધી સારસંભાળ લેવાની કોશિશ કરી નથી એવા માં બાપની આપણે શું કામ મદદ માંગવી .


          થોડીવાર પછી ત્યાં સરલા આવી તેણે કહ્યું આપણે મંગાળાને રાયચંદ મહારાજ પાસે લઇ જઈએ તો કેવું ? રસિકભાઇએ કહ્યું આપણે એવા મહારાજોના ચક્કરોમાં નથી પડવું . સરલાએ કહ્યું કે તે કોઈ સાધુબાબા નથી તે સંસારી છે અને તેઓ વાતચીત કરીને લોકોનું દુઃખ દૂર કરે છે એક જાતના મનોચિકિત્સક છે ફક્ત એટલું જ કે તેમની પાસે કોઈ ડિગ્રી નથી . તેઓ જ્ઞાનનો ભંડાર છે. તેમનો કોઈ આશ્રમ નથી કે નથી તેઓ કોઈ સંસ્થા ચલાવતા . 


અમંગળા ભાગ ૭


            સરલાએ આગળ કહ્યું સરકારી નોકરી કરતા હતા પછી વોલન્ટરી રિટાયરમેન્ટ લઈને લોકીની સેવા શરુ કરી . તેમના બાળકો પણ સારી જગ્યાએ નોકરી કરે છે . નિમીભાભીએ કહ્યું એક વાર દેખાડવામાં કોઈ વાંધો નથી . વડોદરાના છેવાડે તેમનું ઘર હતું . જયારે તેઓ ત્યાં પહોંચ્યા ત્યારે બહુ ભીડ હતી , બે કલાકે તેમનો નંબર આવ્યો એટલે મંગળાને સરલા સાથે બેસાડીને રસિકભાઈ અને નિમીભાભી અંદર ગયા અને બાબાને બધી વાત કરી જે તેમણે ધ્યાનથી સાંભળી અને કહ્યું થોડો કોમ્પ્લિકેટેડ કેસ છે . રસિકભાઈ એક કામ કરો આ બહેન ભલે અહીં બેસે આપ પેલા બહેનને અંદર લઇ આવો હું તેમની સાથે વાતચીત કરવાનો પ્રયત્ન કરું છું .


            દૂધ જેવો સફેદ કુર્તો અને ધોતિયું પહેરેલા રાયચંદ બાબા ઓછા અને ઘરના વડીલ જેવા વધારે લાગી રહ્યા હતા ક્લીનશેવ ચેહરા પર એક સુંદર સ્મિત અને અવાજમાં ગંભીરતા હતી . માથે થોડી ટાલ હોવાથી કપાળ મોટું લાગી રહ્યું હતું ,આંખોમાં અજબ ચમક હતી. મંગળાને લઈને સરલા આવી એટલે તેને પણ બેસવા કહ્યું અને રસિક્ભાઈને કહ્યું જતી વખતે દરવાજો આડો કરી દેજો. મંગળાને થોડીવાર નિહાળ્યા પછી તેમણે ખોંખારો ખાધો અને ધીરગંભીર અવાજમાં કહ્યું આજે તમને બહેનોને એક વાર્તા કહેવાનો છું , એક દુઃખી સ્ત્રીની વાર્તા જે નિરાશાની ગર્તામાંથી ઉપર આવીને મહાન બની . તેમણે વાર્તા શરુ કરી .


      એક છોકરી હતી નાની જે બાળપણથીજ અપશકુની તરીકે બદનામ થઇ ગઈ હતી. ઘરની અને બહારની દરેક વ્યક્તિ તેને વગોવાતી હતી છતાં તે ખુશ રહેતી હતી . ઘરના બધા તેને નફરત કરતા હતા પણ તેમને પ્રેમ કરતી હતી . પછી તેના લગ્ન એવી વ્યક્તિ સાથે થયા જે તેને પ્રેમ નહોતી કરતી પણ છતાં તે તેની સાથે જીવન વ્યતીત કરતી હતી એવા કઠણ સમય માં તેની મુલાકાત એવી વ્યક્તિ સાથે થઇ જેને તે પ્રેમ કરતી હતી . આ વાત સાંભળીને મંગાળાની ભ્રમર થોડી વંકાઈ , બાબાએ તે તરફ ધ્યાન આપ્યા વગર પોતાની વાર્તા આગળ વધારી અને કહ્યું કે જૂનો પ્રેમી મળવાથી તે તેના પ્રેમમાં રમમાણ થઇ ગઈ પણ તે ભૂલી ગઈ કે તે પરિણીત છે અને તે પતિ સાથે દગો કરી રહી છે અને એક દિવસ તેની પૉલ ખુલી ગઈ અને તેના પતિએ તેને ઘરની બહાર કાઢી મૂકી . પોતે ચારિત્રહીન છે એ વાત પતિને ખબર પડી ગઈ એટલે આત્મહત્યાનો પ્રયત્ન કર્યો . પછી મંગાળાને ઉદ્દેશીને કહ્યું કે તારા જીવનની આટલી જ વાર્તા છે ને? આજ સત્ય છે ને ?


       જવાબમાં ફક્ત ડૂસકું સંભળાયું તે ધીમે રહીને બોલી કે આ પૂર્ણ સત્ય નથી પણ અર્ધસત્ય છે. બાબાએ કહ્યું તો પૂર્ણ સત્ય શું છે તે અમને કહે . મંગાળા ચૂપ રહી એટલે બાબા એ કહ્યું કે દરેક વ્યક્તિએ સત્યનો સ્વીકાર કરવો રહ્યો. મનુષ્ય બહુ વિચિત્ર પ્રાણી છે તે પોતાને મળેલા સુખોનો જેટલી આસાનીથી સ્વીકાર કરે છે એટલી આસાનીથી દુઃખોનો સ્વીકાર કરતો નથી અને સરવાળે વધારે દુઃખી થાય છે . પોતે કરેલા સત્કર્મોનો સ્વીકાર કરે છે અને તેના ગુણગાન ગાય છે જયારે પોતે કરેલા દુષ્કર્મોનો સ્વીકાર કરતો નથી અને તેની તરફ આંખમીંચામણાં કરે છે અથવા પોતાને મનગમતું કારણ શોધી કાઢે છે પોતાના કરેલ દુષ્કર્મો માટે જે તેને વધારે દુષ્કર્મો કરવા માટે પ્રેરે છે . જો મનુષ્ય પોતે કરેલી ભૂલો અથવા દુષ્કર્મોનો સ્વીકાર કરે તો તેનો ઉચિત ઉપાય કરી શકે . પોતે કરેલી ભૂલોને પોતાનાથી છુપાવે છે . કોઈએ કઈ તકલીફ આપી હોય તો તેનો સ્વીકાર કરો , તેને પોતાના સંચિત કર્મ નું ફળ સમજીને સ્વીકાર કરશો તે દુઃખ તમને દુઃખી નહિ કરે . આ અનંત સૃષ્ટિમાં મનુષ્યનું મૂલ્ય શૂન્ય છે છતાં આખું જીવન એક જાતની આત્મશ્લાઘામાં વિતાવી દે છે . દરેકને એમ લાગે છે કે મારી સાથે સારી ઘટના જ થવી જોઈએ પણ પોતે સત્કર્મ કરવા તૈયાર નથી . શરીર સાથે થયેલા દોષો અને શરીરથી થયેલા દોષોને આત્મા સાથે સાંકળ્યા વગર જીવીશ તોજ આનંદથી રહીશ અને કોઈને આનંદમાં રાખી શકીશ .

        જો તને પડેલી તકલીફ અથવા તે કરેલા ખોટા કર્મોનું અત્યારે વર્ણન અમારી સામે કરીશ તો હું સમજીશ કે તે સત્યનો સ્વીકાર કર્યો છે . રાયચંદ મહારાજની વાણીમાં અજબ શક્તિ હતી અને તે ફક્ત પોતાની વાણીથી શક્તિપાત કરી રહ્યા હોય તેમ લાગતું હતું . મંગાળા થોડી વાર રડી અને પછી ધીમે ધીમે પોતાની સાથે થયેલી ઘટનાઓનું વર્ણન કરવા લાગી . નિમીભાભી અને સરલા વિસ્ફારિત નેત્રે તેની તરફ જોઈ રહ્યા હતા જયારે બાબા નિર્લેપતાથી તેની વાત સાંભળી રહ્યા હતા .


    મંગાળાની વાત પુરી થયા પછી તેમણે કહ્યું કે તું બહુજ અસામન્ય જીવન જીવી છે પુત્રી એમાં શંકાને સ્થાન નથી છતાં તું મને કહે શું તને તારી ભૂલો દેખાય છે ? મંગળાએ હકારમાં માથું હલાવ્યું . બાબાએ કહ્યું શું તે માટે પશ્ચાતાપ અનુભવી રહી છે . મંગળાએ કહ્યું હા . બાબાએ કહ્યું સારું છે પુત્રી હવે મને કહે આગળ શું કરવા માંગે છે ? મંગળાએ કહ્યું મને ખબર નથી પડતી કે શું કરું ? બાબાએ કહ્યું જે વસ્તુની શરૂઆત છે તેનો અંત પણ છે અને જેનો અંત છે તેની શરૂઆત પણ છે આ સૃષ્ટિનો નિયમ છે . તું તારા જીવનની નવી શરૂઆત કર . દરેક વસ્તુનો સ્વીકાર કર સુખ હોય કે દુઃખ , સફળતા હોય કે નિષ્ફળતા .

      મંગળાએ કહ્યું કે હું સક્ષમ નથી , હું વધારે ભણેલી પણ નથી હું શું કરું ? બાબાએ કહ્યું તું તારા અંતરમન સાથે વાત કર જો તારી કઈ કરવાની ઈચ્છા હશે તો ઈશ્વર રસ્તો કરી આપશે . તારું કલ્યાણ થાઓ એક કહીને આશીર્વાદની મુદ્રામાં હાથ ઊંચો કર્યો .

 

અમંગળા ભાગ ૮ - અંતિમભાગ


 અઠવાડિયું લાગ્યું મંગળાને સમય થવામાં પણ હવે તે પહેલા કરતા વધારે ખુશ રહેતી હતી . સૌથી પહેલું કામ તેણે કર્યું તે હતું જીતેનની પોલીસ કંપ્લેઇન્ટ. જો કે જીતેન તે પહેલાજ ફરાર થઇ ગયો હોવાથી પકડાયો નહિ પણ તેના ફ્લેટમાં એક સીડી મળી આવી જે જીતેન લેવાનું ભૂલી ગયો હતો. પોલીસે મંગળાને આશ્વાસન આપ્યું કે તેની ઓળખાણ ગુપ્ત રાખવામાં આવશે. એક દિવસ રસિકભાઇએ ઘરે આવીને મંગળાને ઘરે પાપડ અને અથાણાં બાનવીને વેચવાનો બિઝનેસ શરુ કરવાનો આઈડિયા આપ્યો, જે બધાને બહુ ગમ્યો અને આમેય મંગળાને ઘરમાં કામ કરવાનું ગમતું અને શરુ થયો એક ગૃહઉદ્યોગ અને પ્રોડક્ટ નું નામ હતું "મંગળા'ઝ". ૬ મહિનામાં તો મંગળાનો બિઝનેસ ચાલી નીકળ્યો . ચાલીની લગભગ દરેક સ્ત્રી એમાંથી કમાણી કરી રહી હતી .

          એક દિવસ મંગળાને સમાચાર મળ્યા કે તેની નાની બહેન પ્રચિતાનાં ત્રણ દિવસ પછી લગ્ન છે . મંગળાએ નિમીભાભીને કહ્યું કે મારે મારી નાની બહેનને આશીર્વાદ આપવા જવું જોઈએ . નિમીભાભીએ કહ્યું કે મંગળા, તને કોઈ આમંત્રણ નથી આવ્યું તો આમ વગર આમંત્રણે જઈશ તો કોઈ તારું અપમાન કરશે. મંગળાએ કહ્યું તે ભલેને કરે હવે મારા માટે માન-અપમાન મહત્વના નથી, મહત્વનાં છે આશીર્વાદ . . તે દિવસે સાંજે મંગળા પોતાના પિતાના બંગલાના સામે એક નાની સૂટકેસ લઈને ઉભી હતી. તે ઘરમાં જઈને માતાપિતાને પગે લાગી. પિતાએ તો આવકાર આપ્યો પણ માતાના ચહેરા પાર અણગમાના ભાવ આવી ગયા . વિનય અને પ્રચિતાએ પણ બહુ ઉમળકો ન દેખાડ્યો પણ આ મંગળા હવે નવી મંગળા હતી , તેને આવી નાની બાબતોમાં રસ નહોતો તે પોતાની મસ્તીમાં હતી . મંગળાના આવવાથી ઘરનું વાતાવરણ થોડું તંગ બની ગયું હતું પણ મંગળાના ચેહરા પરના ખુશીના ભાવ જોઈને તેને કઈ કહેવાની કોઈની હિમ્મત ન થઇ . તેની માતા પણ બડબડ તો કરી રહી હતી પણ તેના મોઢે કશું કહી ન શકી. બધા સગાવહાલા આપસમાં ગુસપુસ કરી રહ્યા હતા .


  રાત્રે બધા જમ્યા પછી હૉલમાં બેસીને આનંદથી વાતો કરી રહ્યા હતા તે વખતે મંગળા ત્યાં આવી . તેના મામા પણ ત્યાં હાજર હતા . તેમણે મંગળાને ઉદ્દેશીને કહ્યું બેટા તને ખબર છે કે તારા પગલાં શુભ નથી અને તું અપશકુની છે તો તું તારા બહેન ના લગ્ન માં કેમ આવી ? મંગળાએ શાંતિથી કહ્યું મામા અપશકુની કે અપવિત્ર ? મામાએ કહ્યું કે હું તારો મતલબ ન સમજ્યો ? મંગળાએ કહ્યું કે મતલબ ન સમજી શકો એટલા નાના તો નથી તમે ? મંગળા આગળ કઈ કહે તેના પહેલા તેના ગાલ પાર તમાચો પડ્યો. મારનાર તેની મમ્મી સરિતા હતી .. તેણે કહ્યું આટલા લોકો વચ્ચે શું બોલી રહી છે તેનું ભાન છે તને? એક તો અમારી આબરૂના ધજાગરા ઉડાડ્યા છે ઉપરથી અહીં વાદવિવાદ કરી રહી છે . તને શું લાગે છે અમને ખબર નથી કે સૂયશે તને છોડી દીધી છે અને એક ચાલીમાં રહીને અથાણાં પાપડ વેચી રહી છે. મંગળા આગળ વધી અને તેની મમ્મીને વળગી પડી અને કહ્યું થેન્ક યુ મમ્મી મને લાગ્યું હતું કે લગ્ન પછી તે મને સાવ છોડી દીધી છે પણ તું મારી ખબર રાખે છે . તે વખતે વિનયે પૂછ્યું દીદી તમે મામાને કેમ પૂછ્યું અપશકુની કે અપવિત્ર ? મંગળાએ કહ્યું તું મામાનેજ પૂછ ને કે મેં એમ શા માટે પૂછ્યું ? વાતનો દોર પોતાની તરફ વળવાથી મામા આદુ જોઈ ગયા અને પરસેવો લુછવા લાગ્યા. વિનય મામાને તાકી રહ્યો . મંગળાએ કહ્યું કે કોઈ જવાબ નહિ આપી શકે તને કારણ મને અપવિત્ર કરનાર તે પોતે છે . મામા આગળ વધ્યા અને અને મંગળાને તમાચો મારવા હાથ ઉપાડ્યો પણ તેમનો હાથ અધવચ્ચે રોકાઈ ગયો તેમનો હાથ પકડનાર પ્રચિતા હતી . તેણે મંગળાને ઉદ્દેશીને કહ્યું દીદી એક લાફો મારી દો તમે. મંગળાએ કહ્યું તું મારી સાથે છે તો હવે મારે તેમને લાફો મારવાની જરૂર નથી. ત્યાં હાજર રહેલ દરેક વ્યક્તિની આંખો મામાને ઘુરી રહી હતી . મામાએ પોતાની બહેન તરફ જોઈને કહ્યું દીદી જોયું તે તારી અપશકુની દીકરી લગ્નમાં કેવું વિઘ્ન નાંખવા આવી છે તે મારા પર કેવો ગંદો આરોપ લગાવી રહી છે . પતિએ છોડ્યા પછી કેવી કાવતરાખોર થઇ ગઈ છે . મંગળાની માતા નીચે જોઈ રહી હતી . મામાએ કહ્યું તું એને અહીંથી જવા માટે કેમ નથી કહી રહી માર એને ચાર તમાચા એટલે તેની સાન ઠેકાણે આવે .


    સરિતાબેને કહ્યું કે મંગળા જૂઠું નથી બોલી રહી મને ખબર હતી કે તે તેની સાથે શું કર્યું છે પણ હું મૂઈ મારા પિયર નું ખરાબ ન દેખાય તે માટે ચૂપ રહી પણ હવે મને લાગે છે કે તે મારી ભૂલ હતી તારા લીધે મારી દીકરી નું જીવતર રોળાઈ ગયું . સરિતાબેને આગળ વધીને મંગળાને ગાલે વળગાડી અને કહ્યું દીકરી મને માફ કરી દેજે. ભાઈના પ્રેમમાં અંધ હું કોઈને કહી ન શકી અને તું કોઈને કઈ ન કહે તે માટે તારી સાથે કડકાઈથી વર્તાતી રહી . બંનેની આંખમાંથી ગંગા-જમના વહી રહી હતી . આજે કદાચ પહેલી વાર પૂર્ણ પરિવાર એક સાથે હતો . વિનય ઉપર તરફ દોડ્યો અને એક બેગ લઇ આવ્યો જે મામા તરફ ફંગોળી અને કહ્યું કે હું લગ્નમાં કોઈનો મૂડ ખરાબ નથી કરવા માંગતો તમે અહીંથી તરત નીકળી જાઓ અને ફરી મને મોઢું દેખાડતા નહિ . મામાએ બેગ લીધી અને નીકળી ગયા તેમની પાછળ મામી અને તેમનો દીકરો પણ નીકળી ગયા .


           લગ્નના બે દિવસ પછી મંગળા પોતાની બેગ પેક કરી રહી હતી એટલે તેની મમ્મીએ કહ્યું હવે ક્યાં જાય છે દીકરી તું અહીજ રહે ઈચ્છા થાય તો પપ્પાનો બિઝનેસ જોજે . તારા પપ્પાની પણ ઈચ્છા છે કે તું અહીં રહે . મંગળાએ કહ્યું માંડ પગભર થઇ છું મમ્મી, મને ફરી અપંગ ન બનાવો . અને મારો જે ગૃહઉદ્યોગ છે તેના પર ઘણા ઘર નભે છે . પણ હવે એક વાત મને કહે કે હું સાચ્ચેજ જ અપશકુની છું . સરિતાબેને કહ્યું ના દીકરી તને અપશકુની કહેવી એ મારી ભૂલ હતી તેના માટે મને માફ કરી દેજે . મંગળાએ કહ્યું કે માતા કોઈ દિવસ માફી ન માંગે અને તું મનમાં કોઈ જાતનો અપરાધભાવ ન રાખ, હું બહુ ખુશ છું.અને મંગળા બેગ લઈને બહાર નીકળી .


          તે પછી ઘણી બધી ઘટનાઓ બની જીતેન પકડાઈ ગયો સુયશ આવીને માફી માંગી ગયો , તેણે બંગલો મંગળાના નામ પર કરવાની ઓફર પણ કરી જે માટે મંગળાએ ઇન્કાર કર્યો .

         આજે તે બધી ઘટનાને દસ વરસ થઇ ગયા છે . આજે "મંગળા'ઝ" ના પ્રોડક્ટના આઉટલેટ ગુજરાતના દરેક મોટા શહેરમાં છે અને મંગળાનાં માથામાં થોડી સફેદી સાથે તેનું સફળતા પૂર્વક સંચાલન કરી રહી છે .

 

- સમાપ્ત -

( નોંધ : મામાના પાત્ર ને કોઈ નામ ન આપવા માટેનું મુખ્ય કારણ એ છે કે એ નામ નાહક બદનામ ન થાય , દુર્યોધનની જેમ. ) 


Rate this content
Log in

More gujarati story from Jyotindra Mehta

Similar gujarati story from Tragedy