યાતના

જીવનને સમજવામાં અમે ઘણી યાતના વેઠી છે,

વ્યક્તિત્વ નિખારવા અમે ઘણી યાતના વેઠી છે.

અમથા નથી મળ્યા આ સુખના હસીન પળ,

પળની રાહ જોવામાં અમે ઘણી યાતના વેઠી છે.

આપે પાર કર્યા ના દુઃખના કાંટાળા બાવળ,

પાર કરી આ બાવળ અમે ઘણી યાતના વેઠી છે.

આપે જોઈ સદા જીવનની મધુર હર ક્ષણ,

આ ક્ષણને મેળવવા અમે ઘણી યાતના વેઠી છે.

આપે માણ્યું જીવનને રહી સદાય શીતળ,

રહી મૂંગા ગરમીમાં અમે ઘણી યાતના વેઠી છે.

જીવનના કઠિન માર્ગે આપના ફૂલોની ચાદર,

આ ચાદર બિછાવવા અમે ઘણી યાતના વેઠી છે.

આપે જોયા અંધારામાં ઝગમગતા એ દીપ,

એ 'ચિરાગ' પ્રગટાવવા અમે ઘણી યાતના વેઠી છે.