યાદો
યાદો
તારી આ યાદોને કોણ સમજાવે,દિલમાં ભરીને રોજ એક સભા બેસે છે,
સામાજિક દૂરી તો નિભાવે છે, પણ સમજાવો એને કે લોકડાઉન હજી ચાલે છે.
જેમ જેમ પાબંદીઓ વધારું છું, તેમ તેમ એ વધારે નિયમો તોડે છે,
છૂટ એને આપવી પડે એમ છે, આવશ્યક
ચીજ વસ્તુઓની શ્રેણીમાં એ આવે છે.
જાણું છું થોડી એ તોફાની છે, કરફ્યુવાળા વિસ્તારમાં પણ ઘુસી જાણે છે
શુ કરું?,ઓથોરીટી હું છું ને, મારી મરજીથી જ ગમે ત્યારે, ગમે ત્યાં ચડી આવે છે.
મારી યાદોની અરજી પર, નિપુર્ણ તમે પણ હસ્તાક્ષર તો કર્યા જ લાગે છે,
એટલે જ તો પુરવઠો આ જીવનજરૂરી યાદોનો પૂરતો જળવાઈ રહેતો લાગે છે.