યાદ છે

શાળાની એ બેન્ચ ઉપર, લીટોડા કર્યાનું યાદ છે,

રિસેસ સમયે, બેન્ચ ઉપર તબલા વગાડ્યાનું યાદ છે,

મિત્રો બધા એ ભેગા થઇ ને, કેવી ધમાલ કરતા,

ઘંટડી વાગે છૂટવાની એટલે, સ્પ્રિંગની જેમ ઉછળતા.

રોજ સવારે નિશાળ જવાની, ઉતાવળ ભારે રહેતી,

ભણવાનું તો બહાનું બાકી, ધમાચકડી જ રહેતી.

એકબીજાના ટિફિન માંથી, ભાગ પડાવ્યાનું યાદ છે,

મને નિશાળનું એ આંગણ, જ્યાં દોડ્યા પડ્યાનું યાદ છે.

કેવી હતા એ શાળાના દિવસો, મિત્રો સાથેની મજા ,

મોટા થઇ ગયા ભણી ગણીને, હવે તો ફક્ત બાકી યાદ છે.