યાદ આવી ગયું...!

કોરોના કેરી કમઠાણમાં, આ કેવું જીવતા ફાવી ગયું,

હાથ 'સેનીટાઈઝ' કરતા કરતા કંઈક યાદ આવી ગયું!

ઘણી સવારો કે સાંજ, બપોર વેળા કે રજનીઓ.,

વીતી ગઈ એમ જ હેરાફેેરી કે સહજ સમજૂતીઓ..

કંઈ કેટલુંય રહ્યું એમ જ, વણ ધોયુંં કે બેહિસાબી.,

જ્ઞાન ઘણું કીધું અર્જિત , જે આખરે રહ્યું કિતાબી..

દોડ હોય જિંદગાની કેરી કે માયાની મગરૂરી ખાલી,

'રેસ' પૂરી થઈ રહી એમ જ, પીતાં અનુભવની પ્યાલી..

રોગ વિષાણુ ને નાથવા મથ્યો ઘણું થકી આ પ્રવાહી,

નથી જરીકે કીધું કષ્ટ ધોવા, એ 'પરમ' ને અંંતર માંહીઁ..

"શૈલ" છે કેવું ચણતર જ્યાં અવગણ્યું આ ગણતર !

વીતશે એમ જ આ સફર કે થશે સફળ પંથ પડતર ?

કોરોના કેરી કમઠાણમાં, આ કેવું જીવતા ફાવી ગયું,

હાથ 'સેનીટાઈઝ' કરતા કરતા કંઈક યાદ આવી ગયું.!