વરસાદમાં

એક સાંજે મળ્યા'તા આપણે વરસાદમાં!

એકબીજામાં ભળ્યા'તા આપણે વરસાદમાં!

સાત જનમ સંગ રહેવાના લીધા હતા કોલ.

સ્મરણોને વાગોળ્યા'તા આપણે વરસાદમાં!

આભનું વહાલ વરસતું હતું અવની પરને,

મન મૂકીને પછી પલળ્યા'તા આપણે વરસાદમાં!

મન મયુર થઇને નાચતું એકબીજાના સાથમાં.

બેફિકર થઇને રઝળ્યા'તા આપણે વરસાદમાં!

પ્રથમ પ્રેમનો નશો હતો સાજન આ કેવો જોને.

સંધ્યાના રંગમાં ઢળ્યા'તા આપણે વરસાદમાં!