વરસાદ આવશે જો

તું મને મળશે અને વરસાદ આવશે જો,

હું કદી તરસું અને વરસાદ આવશે જો.

ઓણ ખેતરમાં તમારી યાદ વાવીને,

આંખથી વરસે ભલે વરસાદ આવશે જો.

રોજ બદલાતી તમારી લાગણી બોલો,

ચાહ ઓસરશે મને, વરસાદ આવશે જો.

પ્રેમપત્રોમાં મને એવો ફસાવ્યો કે,

એમ થાતું કે બધે વરસાદ આવશે જો.

જોઈતું જે હોય તે મળતું નથી તો પણ,

તું જ સપનામાં વદે વરસાદ આવશે જો.

શ્વાસ લેવાને ય હું કાબિલ નથીને જો,

તું ‘નજાકત’ને કહે વરસાદ આવશે જો.