વિરહની વેદના

બગીચામાં રહેતા એક પતંગિયાને

કોણ જાણે કેવો વહેમ થઈ ગયો ?

ગુલાબના ફૂલને એણે જોયું જ્યારથી

ત્યારથી એની સાથે એને પ્રેમ થઈ ગયો

પતંગિયું રોજ એ ફુલને મળવા આવતું

અને એની આસપાસ જ ઊડતું રહેતું

પતંગિયું ગુલાબને પ્રેમથી જોયા કરતું

ગુલાબ પણ પતંગિયાને જોયા કરતું

ફૂલના મનમાં પણ જાગી પ્રેમ ભાવના

એને પણ પતંગિયા સાથે પ્રેમ થઈ ગયો

એ પતંગિયા અને ફૂલને એકબીજા થકી

જાણે હ્રદયથી આદર સપ્રેમ થઈ ગયો

ગુલાબના ફૂલને એના છોડ પરથી

એ બાગનો માળી આવીને તોડી ગયો

જાણે-અજાણ્યે પેલા પતંગિયાને

એ બગિચામાં એકલો જ છોડી ગયો

એકતરફ પતંગિયું વિરહમાં તડપતું રહ્યું

બીજીતરફ ગુલાબ પણ એ વેદનાને સહેતું રહ્યું

વિરહની વેદનાને શબ્દોમાં વર્ણવું કેવી રીતે ?

ગળગળો થયા પછી, આગળ લખવું કેવી રીતે ?