વેણી

આ વેણી બની સન્નારીના કાળા કાળા કેશનો વૈભવ,

ને વેણી વધારે સહુના અંબોડલે ફૂલોનો વૈભવ !

સજે ચાહે ગમે તેટલા સ્વર્ણ શણગાર આ નારી,

તો પણ વગર વેણીએ લાગે ફિક્કો સઘળો વૈભવ !

કરી કરીને કરો ગમે તેટલું તમે કેશ ગુંફન,

વેણી બક્ષે કેશકળાને એક નયનરમ્ય વૈભવ !

વાર, તહેવાર કે હોય ગમે તે આનંદનો ઉત્સવ,

ને વેણી વધારે નારીનો કોઈ પણ પ્રસંગે વૈભવ !

પારિજાત, ચમેલી, મોગરો કે હોય જો મધુમાલતી,

સુગંધ વેણીની વધારે આ વાતાવરણનો વૈભવ !

વેણી કે ગજરો બન્યા એક "પરમ" શૃંગાર નારીનો,

કરતો રહ્યો છે યુગોથી સૌને "પાગલ" ફૂલોનો વૈભવ !