વધાઈ તમને વાલમ આપું

વધાઈ તમને વાલમ આપું જન્મદિનની વધાઈ, 

દિલનાં આંગણેથી તમને આપું જન્મદિનની વધાઈ. 

ન ફૂલો આપું, ન લાવું હું તો દુન્યવી સોગાત,

મનને ખૂણે ખૂણેથી મોકલાવું નીતનવા હું ઉપહાર...વધાઈ તમને.

શબ્દોથી શણગારૂં સાજન તમારો જન્મદિવસ, 

લાગણીના ઉજાસથી સજાવું તમારો જન્મદિવસ...વધાઈ તમને.

ન મેળાવડો લોકોનો, ન ટોપલાં શુભેચ્છાઓનાં,

અંતરનાં દીવા પ્રગટાવી પૂરા કરું ઓરતા જીવનનાં...વધાઈ તમને.

ખોટા ન કોઈ ખર્ચ, ન કોઈ મોટી ઈચ્છાઓ,

બસ તમને જાણું તમને સમજું એ જ તો અપેક્ષાઓ...વધાઈ તમને.

તમારા જન્મદિનનો છે એક રંગીન અહેસાસ, 

મનની આંખ વાટ જુએ પ્રતિપળ આ જન્મદિનની ખાસ !

વધાઈ તમને વાલમ આપું જન્મદિનની વધાઈ, 

દિલને આંગણેથી તમને આપું જન્મદિનની વધાઈ.