વાતો કરવી છોડો હવે

વાતો કરવી છોડો હવે,

બળત્કારીને તોડો હવે !

સત્ માટે ડર છોડો હવે,

રાજાને'ય વછોડો હવે !

જાતિ બંધન તોડો હવે,

આભડછેટ છોડો હવે!

જરૂર પડે માથા વધેરો,

સફેદ રંગને છોડો હવે !

નેતાની ચાપલૂસી છોડો,

નાક રગડવું છોડો હવે !

દંભી નેતાને છોડો હવે,

નગર વચ્ચે દોડાવો હવે !

ભાઈચારા વાત છેડો હવે,

જાતપાત બસ છોડો હવે !

રડાવે એને ન છોડો હવે,

રાતાપાણીએ રડાવો હવે !

ક્રાતિ બુગલ બજાવો હવે,

શાંતિની વાત છોડો હવે !

સરકાર દરકાર છોડો હવે,

સરકારને'ય પછાડો હવે !